Vagina, bujjuʼ iyanaritu organ pabbijangeng panno otoro' sibawa massuloro' polé ri laleng kelamin makkunraié iya nalaloiyé sato mappasusué untu' sikalabini sibawa mémmana'. Ri rupa taué, napallebbangngi aléna polé ri vestibula vulva lettu' ri serviks (kellong rahim). Introitus vagina biasana natongko' sabaéng ri lapisang manipi'na jaringang mukosa iya riasengngé selapu' dara.Vaginaé napalaloi towi wékkana dara haid, iya puraé kajajiang ri rupa taué sibawa primata iya makké-sossoreng madoppe'é selaku bagéang polé ri siklus menstruasi.
Rilalengna hubangeng sikalabini, rinding vaginaé mappanré wai-wai pelumas vagina sibawa mappapolé gesekang iya mpakkai penis untu' matti ri ejakulasi, makkéguna papolé pabbuangeng. Silaong pajjéppéi asennangeng sibawa asséddi-séddingeng, kégiatang séksual mulléi mappapolé inféksi menular séksual (IMS), iya mulléé ritahang sibawa cara sikalabini salama'. Pakkara akkéssingeng laingngé mulléi towi mpangaruhi vagina rupa taué.
Vaginaé pura mappapolé réaksi battowa ri laleng masyaraka'é lalo ri wija-wijanna, muttama'ni pandangang sibawa ada-ada iya maja'é, pemmali ri laleng pangaderengngé, sibawa pangkégunanna selaku simbolo' untu' séksualitas makkunrai, sipiritualita', iyaréga jajiangngi paimeng linoé. Rilaleng bicara lumbaa, ada "vagina" maéga ripaké salai untu' matti ri vulva iyaréga ri organ kelamin makkunraié ri laleng padanna. Accuwang:TOC limit
