Sirmium

Key facts

natur an elfennlec'h arkeologel, Henkêr

broSerbia

e tiriadPannonia

deskrivet gantРеальный словарь классических древностей по Любкеру

Sirmium (e serbeg: Сирмијум; el lizherenneg latin: Sirmijum), hiriv Sremska Mitrovica e proviñs Voivodina, e Serbia, zo bet ur gêr bouezus en Impalaeriezh roman; kêr-benn Pannonia e oa, ha Pannonia Secunda goude, war ar stêr Sava.

Krouet e voe gant ar Gelted en III^vet kantved kent JK. Aloubet e voe gant ar Romaned er Iañ kantved kent JK.

Kêr-benn ekonomikel proviñs Pannonia e oa hag unan eus peder c'hêr-benn an Impalaeriezh roman en amzer an Detrarkiezh.

Sirmium ː an anv a dalv kement ha « red an dour», pe « an douar gleb », abalamour d'ar stêr Sava (e latin: Savum); an anv zo aet da Sirmich e alamaneg, ha da Sremska e serbeg.

Aorelian, Probus, ha Gratian a oa ginidik eus Sirmium. Claudius II ha Marcus Aurelius a zo marv aze.

19 Genver 379 ː savet eo Theodosius da impalaer ar Reter gant Gratianus e Sirmium
diskar-amzer 379 ː kejañ a ra Gratianus ha Theodosius e Sirmium, ha lezel a reont Dakia ha Makedonia da vont gant ar varbared.

Marcus Aurelius, impalaer roman (161-180); e oa staliet e Sirmium e-kerzh ergerzhadennoù Pannonia 170-180;
Maximinus Iañ an Thrak, impalaer roman (235-238), en eus renet an impalaeriezh eus Sirmium;
Ingenuus, impalaer roman (260), en em savet da impalaer e Sirmium;
Regalianus, impalaer roman (260), en em savet da impalaer e Sirmium;
Galerius, impalaer roman (305-311), en deus renet hag e oa caesar da vare ar pederveliezh, diouzh e di e Sirmium (293-296);
Crispus, Caesar an impalaer roman; en em savet da caesar e Sirmium en 317;
Constantinus II, impalaer roman; da gentañ Caesar; savet da august = impalaer e Sirmium in 317;
Vetranio, impalaer roman; en em savet e Sirmium e 350;
Theodosius Iañ, impalaer roman (378-395); savet da impalaer gant Gratianus e Sirmium
Valerius Licinius, prefed Pannonia, staliet e Sirmium (308-314);
Apricanus, prefed Pannonia Secunda, staliet e Sirmium (355);
Mesala, prefed Pannonia Secunda (373);
Petronius Probus, prefed Sirmium (374);
Aurelius Victor, prefed Pannonia Secunda (361); en eus savet un istor Roma betek Juluan ar Renavi.
Leontius, prefed Sirmium (426).