Lyon

Emañ Lyon e kember div stêr vras: ar Ron hag ar Saône. Etre daou dorosad bras emañ: er c'hôrnog e kaver Torosad Kreiz, hag er reter an Alpoù.

Un hinad hantergevandirel levezonet gant an hin greizdouarel he deus. Amzer tomm hag arnevus ez eus en hañv, amzer rip (yen ha sec'h) er goañv. Glav a ra muioc'h en hañv eget en goañv eta. Erc'h a zo 20 deiz ar bloaz well-wazh.

Staliet e oa eno ar Galianed abaoe pell. E 43 araok JK e oa savet un drevadenn roman, anvet Colonia Copia Felix Munatia Lugdunum ha goude Colonia Copia Claudia Lugdunensium. Lugdunum e oa he anv galianroman goude se, en enor d'an doue keltiek Lug. Al lodenn all eus an anv a zeu eus dunos hag a dalv kreñvlec'h, torgenn e keltieg kozh.

En gul, e leon en argant; e gab en glazur karget gant teir flourdilizenn en aour. Dont a ra eus mare ar Grennamzer. Daskemmet e oa gant roueed Bro-C'hall, ha goude gant Nabulio Buonaparte ha pennoù all war e lerc'h a-hed an XIXvet kantved. Meur a sturiad a c'hall bezañ roet d'ar gêr, evel hemañ: Virtute duce, comite fortuna da lâret eo "Vertuz da heñcher (a dalv) berzh-mat da gompagnun". Anavezet eo ivez ar youc'h brezel en arpitaneg Avant ! Avant ! Lion le melhor ! (A-raok ! A-raok ! Lyon an hini gwellañ !) eus ar « rebeyne », ur gabaduilh e 1269.

Paeroniet eo ar gêr gant santez Blandina, merzourez ar Gristenien gentañ.

XX^vet kantved

Serret e oa Jean Moulin, penn ar Rezistañs C'hall, e Caluire, e bannlev Lyon. D'ar 26 a viz Mae 1944 e oa bombezet ar gêr gant kirri-nij ar Re Gevredet. Dieubet e oa d'an 3 a viz Gwengolo 1944.

• an ti-kêr,
• an opera,
• Penniliz Itron-Varia Fourvière war torgenn Fourvière, eus fin an XIXvet kantved,
• park an Penn Aour.

Mammennoù Cassini-EHESS hag EBSSA

500 715 a annezidi a oa e 2013, 516 092 hervez an niveradeg diwezhañ e 2017. En tolpad kumunioù zo en-dro dezhi e oa 1.648.216 a dud e 2013, ha 1 659 001 e 2017 (eil unvez kêrel Frañs eo). Eil tolead kêr ar vro eo ivez, gant 2 326 223 a annezidi e 2017.

Edouard Herriot a oa maer ar gêr eus 1905 betek 1957 (war-bouez an eil Brezel Bed). 9 arondisamant he deus Lyon hiziv.

Gérard Collomb a oa ar maer eus 2001 betek 2020 (war-bouez etre 2017 ha 2018). E-barzh ar Strollad Sokialour Gall e oa araok mont e-barzh La République En Marche !, luskad ar prezidant Emmanuel Macron.

An impalaer roman Klaod I^añ, mab Drusus Decimus Nero hag Antonia ar Yaouankañ, a oa ganet e Lugdunum d'ar 1^añ a viz Eost 10 kent J.K.

Tud vrudet all ganet eno:

• André-Marie Ampère, jedoniour ha fizikour gall, e 1775,
• Ar barzh Antoine de Saint-Exupéry e 1900,
• Maurice Jarre e 1924 hag e vab Jean-Michel Jarre e 1948,
• an aktour ha filmaozer Alexandre Astier e 1974.

Ar c'hêrioù gevellet gant Lyon:

• Beersheba, Israel
• Birmingham, Bro-Saoz abaoe 1951
• Curitiba,  Brazil
• Guangzhou, Republik Pobl Sina abaoe 1988
• Milano,  Italia abaoe 1966
• Saint Louis, Missouri, Stadoù-Unanet abaoe 1975
• Philadelphia, Stadoù-Unanet
• Frankfurt,  Alamagn abaoe 1960
• Leipzig,  Alamagn abaoe 1981

• Yokohama, Japan abaoe 1959
• Kutaisi, Jorjia abaoe 2006
• Yerevan, Armenia
• Łódź,  Polonia abaoe 1992
• Montreal, Kebek, Kanada abaoe 1989
• Göteborg, Sveden
• Pécs,  Hungaria
• Craiova, Roumania abaoe 1992

• (fr) Lec'hienn an ti-kêr
• (fr) Lec'hienn kumuniezh-kêr Lyon
• (fr) (en) Lec'hienn ofis an douristed Lyon