Firefox, Mozilla Firefox a zo ur merdeer web digoust, diorroet ha dasparzhet gant Mozilla Foundation sikouret gant kantadoù a dud a youl vat a-drugarez da doareoù diorroiñ ar poellad frank/open source ha da frankiz e god tarzh.
En deroù e oa Firefox ur programm derevet eus ar poellad Mozilla (anvet SeaMonkey hiziv an deiz), met ennañ an arc'hwelioù merdeiñ nemetken.
Ar poellad liessavennek-mañ a zo kenglotus gant stummoù disheñvel Microsoft Windows, Mac OS X ha GNU/Linux. Lakaet eo bet war reizhadoù korvoiñ disheñvel, ar pezh a zo posupl gant ar c'hod tarzh a zo lakaet e kerzh dindan tri lañvaz disheñvel er memes koulz (MPL, GPL et LGPL).
Ar poellad-mañ en deus bet ur berzh kreskus abaoe e embannadur, o tipaseal an hanter-miliard a pellgargadurioù e C'hwevrer 2008. Memes ma ne ziskouez ket an niver-mañ an niver gwirion a implijerien e deuet Firefox deuet da vezañ buan-tre kevezer brasañ Internet Explorer, merdeer web Microsoft.
Savennoù a c'hell lakaat Mozilla Firefox da dreiñ
Firefox a zo ur poellad a dro war un niver bras a reizhadoù korvoiñ.
Tu zo neuze da staliañ Firefox war ar reizhadoù da-heul:
- GNU/Linux, BSD, Solaris hag en un doare hollekoc'h, war an holl reizhiadoù korvoiñ kenglotus UNIX
- Mac OS X
- Windows NT (Windows 2000, Windows XP, Windows Vista ha Windows 7 en o zouez)
Lakaet war reizhadoù all evel FreeBSD, OS/2, Solaris, IRIX, RISC OS, SkyOS, BeOS, Windows XP 64 ha Windows Vista 64 bit.
Arc'hweladurioù
Ar merdeer a c'hell bezañ implijet adalek un diazez glanaet. Kentoc'h eget bezañ roet gant un niver bras a dibarzhioù, Firefox en deus kantadoù a plug-inoù ha temoù grafek, evit ma vefe tu d'an implijer da lakaat anezhañ evel m'en deus c'hoant. Un nebeud arc'hweladurioù a vez kavet er stumm glan:
- Ar merdeiñ dre ivinelloù (tab);
- Un harzer pop-up;
- Ur reizhiad lusker enklask;
- Sinedoù dialuskel (lenner lanvioù RSS hag Atom);
- Ur reizher reizhskrivañ;
- Ur sil eneppesketa;
- Kenglotus IPv6
Doujañs da skouer ar Web
Ar Mozilla Foundation, a-drugarez d'e lusker framm Gecko, a heuilh en e boelladoù ar reoladoù ha skouerioù digor, da gentañ reoù ar World Wide Web Consortium.
Neuze, Mozilla Firefox a harp skouerennoù ar Web evel HTML, CSS, XHTML, XML, JavaScript, met ivez DOM, MathML, XSL pe c'hoazh XPath.
Ar prouad Acid2 a zo bet tremenet abaoe an 3 stumm, padal ez eo an test Acid3 n'eo tremenet ul lodenn nemetken, gant 93% evit stumm diwezhañ ar poellad (Firefox 3.5). Hogen, an disoc'h-mañ a vez o kreskiñ dibaouez (94/100 evit ar 3.6 beta3).
Evel lodenn vrasañ ar merdeerien a-vremañ, Firefox a zo gouest da ziskouez skeudennoù gant an treuzwelladur e PNG.
Notennoù ha daveoù
- Daveoù da stummoù Firefox
- Daveoù d'an niver a bellgargadennoù Firefox
