Cibles zo ur gelaouenn viziek c'hallek diwar-benn an hoplologiezh, bet savet e 1967 gant Raymond Henry hag André Gagniard.
Istor hag endalc'h
Kinnig a ra ar gelaouenn pennadoù war an armoù-dorn hag an armoù-skoaz, istorel pe a-vremañ, dreist-holl. Embannet e oa da gentañ gant Crépin-Leblond, un ti-embann diazezet e Chaumont (Haute-Marne, Bro-C'hall). Enni e veze kavet ivez amprouennoù kontilli, skridoù war ar c'henwerzh (embregerezhioù ha saloñsoù), ar sportoù tennañ, an adkargañ munisionoù, pe pennadoù war mirdioù, filmoù pe darvoudoù istorel. Kemennadennoù berr ha deiziataer ar saloñsoù armoù a gaved e dibenn ar gelaouenn.
Ar 650vet niverenn a oa bet embannet e miz Eost 2024. Bruce Malingue e oa pennskridaozer ar gelaouenn e 2025. E miz Gwengolo 2025 e oa bet lakaet e dibennfreuzadur barnerezhel Crépin-Leblond, ha paouezet embann Cibles goude an niverenn 664 (miz Here 2025). E miz Ebrel 2026 e voe kemennet e oa bet adprenet ar gelaouenn gant ADN Enterprise, un embregerezh gall hag a werzh armoù ha produioù stag d'an armdioù ha d'ar c'hleuboù-tennañ, dre e filierenn LMA Distribution. Niverenn gentañ ar stumm nevez zo bet embannet e miz Gouere er memes bloaz, ennañ muioc'h a bennadoù war an armoù-tan modern ha nebeutoc'h a zanvez war an armoù kozh da skouer. Ul lec'hienn internet nevesaet enni keleier zo bet boulc'het ivez. Renaud Jourdon eo pennskridaozer Cibles hiziv an deiz.
