Republik Maladewa (bahasa Divehi: ދިވެހިރާއްޖޭގެ ޖުމުހޫރިއްޔާ - Dhivehi Raajjeyge Jumhooriyyaa) adalah sabuah nagara kapulauan nang tadiri matan kumpulan atol di Lalautan Hindia. Maladewa baandak di sabalah selatan-barat daya India, sakitar 700 km sabalah barat daya Sri Lanka. Nagara ini baisi 26 atol nang tabagi manjadi 20 atol administratip wan 1 kuta.
Sejarah
Sejarah awal nagara ngini kada dikatahui sacara pasti. Manurut legenda, seorang pangeran Sinhalese (Indo-Aryan) nang bangaran KoiMale tadampar lawan pasangannya, saikung putri matan Raja Sri Lanka, di Maladewa wan badiam disana sabagai sultan panambayan. Salawas baabad-abad, kapulauan ngini dikunjungi ulih pelaut matan Arab wan India. Pas abad ka-16, bangsa Portugis menjajah kapulauan ngini pas (1558–1573), sabalum ayungannya dirabut pulang ulih Muhammad Thakurufar Al-Azam.
Sejak tahun 1887 hingga kamardekaan Maladewa pas 26 Juli 1965, negara ngini manjadi bagian matan parwalian Inggris. Sejak tahun 1153 hingga 1968, negara ngini babentuk kasultanan Islam nang independen. Imbah mamparulih kemerdekaan matan Inggris, bantuk pamarintahan kesultanan hanya bartahan salawas tiga tahun wan imbahnya dihapusakan sarta diganti manjadi republik.
Babarapa bencana alam ganal suah malanda kapulauan ngini, diantaranya adalah galumbang tinggi nang mambajiri babarapa pulau pas April 1987. Haratan 26 Desember 2004, negara ngini umpat takana dampak matan bencana tsunami di Samudera Hindia. Bencana nangitu mangakibatkan terganangnya sajumlah pulau wan mengkontaminasi sumber banyu, marusak rumah, tanah, wan parsadiaan banyu tanah.
Pulitik
Pambagian administratif
Maladewa baisi 7 provinsi masing-masing tadiri matan divisi administrasi barikut (ibu kota Malé adalah divisi pemerintahan mereka sendiri):
- Provinsi Mathi-Uthuru; tardiri matan Atol Haa Alif, Atol Haa Dhaalu wan Atol Shaviyani.
- Provinsi Uthuru; tardiri matan Atol Noonu, Atol Raa, Atol Baa wan Atol Lhaviyani.
- Provinsi Medhu-Uthuru; tadiri matan Atol Kaafu, Atol Alifu Alifu, Atol Alifu Dhaalu wan Atol Vaavu
- Provinsi Medhu; tadiri matan Atol Meemu, Atol Faafu wan Atol Dhaalu.
- Provinsi Medhu-Dhekunu; tadiri matan Atol Thaa wan Atol Laamu.
- Provinsi Mathi-Dhekunu; tadiri matan Atol Gaafu Alifu wan Atol Gaafu Dhaalu.
- Provinsi Dhekunu; tadiri matan Gnaviyani Atol wan Kota Addu.
Prestasi
- Maladewa berhasil mancitak sabuting rekor manyalam (scuba diving) tahun 2006 lawan hal jumlah penyelam nang paling banyak barpatisipasi dalam sakali manyalam, lawan total 958 panyalam nang masuk ka dalam banyu sekaligus sacarab baimbaian. Rekor ngini diambil alih ulih Indunisia tahun 2009.
- Maladewa adalah negara panambayan nang mambuka sabuting kedutaan virtual, di dunia maya Second Life pas tanggal 22 Mei 2007.
- Maladewa adalah negara panambayan nang maadakan rapat kabinet di bawah banyu. Rapat kabinet dipimpin ulih presiden Mohamed Nasheed. Dalam rapat, presiden, wakil presiden, wan bubuhan kabinet menandatangani sabuting deklarasi nang bartujuan hagan mangadakan aksi global tarhadap perubahan iklim, di muka Konferensi Iklim PBB di Kopenhagen. Rapat ngitu marupakan salah sabuting bagian matan kampanye ganal-ganalan ulih "international environmental NGO 350.org".
