खीरा (अंग्रेजी: Cucumber; Cucumis sativus, कुकुमिस सैटिवस) एगो बहुत ब्यापक रूप से उगावल जाए वाला लतरदार (नार-पात वाली, पसरे वाली लता) पौधा हवे, जवन कुकुर्बिटेसी परिवार से संबंध रखेला। एहमें बेलनाकार से गोल आकार के फल लागेला, जवन सब्जी आ सलाद के रूप में खाइल जाला।
खीरा के एगो वार्षिक पौधा (annual plant) मानल जाला, आ एकर तीन मुख्य प्रकार होखेला— स्लाइसिंग (काटे वाला), पिकलिंग (अचार खातिर), आ बीजरहित (सीडलेस)। भारत में ई जायद के फसल मानल हवे जे अप्रैल से जून ले खेती कइल जाला। हालाँकि, अब एकर अइसन किसिम बिकसित भ गइल बाड़ी की बजार में सालों भर बिका रहल बाटे।
खीरा के उत्पत्ति एशिये में भइल मानल जाला—खासकर भारत, नेपाल, बांग्लादेश, चीन (युन्नान, गुइझोउ, ग्वांग्शी) आ उत्तरी थाईलैंड के क्षेत्र में। हालाँकि, आज के समय में ई लगभग हर महाद्वीप पर उगावल जाला, आ कई तरह के खीरा व्यावसायिक रूप से उत्पादन आ वैश्विक बाजार में व्यापार कइल जाला। उत्तर अमेरिका में “वाइल्ड ककुंबर” नाम से कुछ पौधा इकिनोसिस्टिस आ माराह जाति में मिलेला, लेकिन ई असली खीरा से बहुत नजदीकी संबंध ना रखेला।
गैलरी
