Woolworth Building — небаскроб у Нью-Ёрку, пабудаваны ў 1910—1913 гадах як штаб-кватэра рознічнай сеткі F. W. Woolworth Company, якая пазней належала свецкай ільвіцы Барбары Хатан. Самы высокі будынак свету ў 1913—1930 гадах. Праз сто гадоў пасля пабудовы па-ранейшаму ўваходзіць у спіс пяцідзесяці найвышэйшых небаскробаў ЗША. Вышыня будынка 241 метр (57 паверхаў), кошт на момант пабудовы — 13500000 $. На 58 паверсе знаходзіцца пляцоўка для агляду.
У 1972 годзе гэты небаскроб быў аб’яўлены нацыянальнай гістарычнай славутасцю. Пасля нападу 11 верасня 2001 гады будынак знаходзіўся без электрычнасці і тэлефоннай сувязі некалькі тыдняў.
