Adult Swim

Adult Swim ([adult swim] або скарочана [as]) — амерыканскі тэлевізійны праграмны блок для дарослай аўдыторыі, які быў задуманы, першым праграмным кіраўніком Cartoon Network, Майклам Лаза.

Праграма блока ўключае мультыплікацыйныя серыялы розных стыляў і жанраў, разлічаныя пераважна на дарослую аўдыторыю. У сетцы прадстаўлены арыгінальныя праекты — асабліва камедыйныя і серыялы-баявікі, — а таксама купленыя кароткаметражныя фільмы, якія звычайна дэманструюцца з мінімальнай цэнзурай або без яе. Фармаваннем праграмнага змесціва Adult Swim займаецца студыя Williams Street. Выходзіць у эфір канала Cartoon Network у вячэрні і начны час, а таксама у прайм-тайм.

Adult Swim быў запушчаны 2 верасня 2001 года і хутка стаў вядомы, дзякуючы трансляцыі мультыплікацыйных сіткомаў, поўнаметражнай мультыплікацыяй для дарослых, пародый, сатыр, мак’юментараў, скетч-камедый і пілотных выпускаў. Многія яго праграмы адрозніваюцца эксперыментальнай эстэтыкай, правакацыйнасцю, імправізацыйным падыходам і сюррэалістычным стылем. Сетка супрацоўнічала з рознымі студыямі, вядомымі сваімі абсурднымі і нестандартнымі камедыйнымі праектамі. Таксама блок транслюе японскае анімэ і амерыканскую экшан-анімацыю. З мая 2012 года падобныя праграмы звычайна выходзяць у суботнім начным блоку Toonami.

Акрамя тэлевізійнай дзейнасці, Adult Swim мела ўласнае гульнявое падраздзяленне Adult Swim Games, якое дзейнічала да 2026 года.

Пасля запуску Adult Swim першапачаткова выходзіў выключна ў начны час. У 2008 годзе блок пачаў паступова пашырацца ў прайм-тайм, а ў 2014 час яго быў перанесены на 20:00 па ўсходнім і ціхаакіянскім часе. Імкнучыся выкарыстаць дарослую аўдыторыю, якая глядзела Cartoon Network днём, Adult Swim яшчэ больш павялічыў эфірны час: з мая 2023 года трансляцыя пачыналася ўжо а 19:00 у будныя дні і па суботах. Пасля змяненняў блок быў дадаткова пашыраны — з 28 жніўня 2023 года яго эфір пачынаецца ў 17:00, у выніку чаго працягласць штодзённага вяшчання пераўзышла працягласць Cartoon Network.