Раса́рыа (ісп.: Rosario) — горад у Аргенціне, у правінцыі Санта-Фэ. З насельніцтвам у 909 397 жыхароў (перапіс 2001 года) з’яўляецца трэцім па колькасці ў краіне, пасля Буэнас-Айрэса і Кордавы. Горад размешчаны на беразе ракі Парана, у 300 км на паўночны захад ад Буэнас-Айрэса. Разам з прыгарадамі і найбліжэйшымі гарадамі ўтварае агламерацыю з насельніцтвам 1 121 441 чалавек. Для паўночнага ўсходу Аргенціны горад з’яўляецца важным чыгуначным вузлом і марскім портам, марскія судны дасягаюць Расарыа па рацэ Парана.
Гісторыя
Каланіяльнае паселішча на месцы, дзе цяпер размешчаны горад, вядома з XVII стагоддзя. Назва паселішча азначае разарый — традыцыйныя каталіцкія пацеркі, а таксама малітву, якую чытаюць па гэтых пацерках, і ў перакладзе з лацінскага азначае «вянок з руж».
З 1751 года вядома імя першага бургамістра — Сант’яга дэ Мантэнегра (ісп.: Santiago de Montenegro). У 1812 годзе генералам Мануэлем Бельграна (ісп.: Manuel Belgrano) у мястэчку быў упершыню падняты нацыянальны сцяг Аргенціны, пра гэту падзею сёння нагадвае помнік у цэнтры горада. Да сярэдзіны XVIII ст. развіццё горада праходзіла вельмі павольна, і толькі з 1880 года, калі законы аб эміграцыі ў Аргенціну з Еўропы былі спрошчаны, у Расарыа пачаўся бурны прырост насельніцтва і развіццё прамысловасці. Да 1887 годзе ў горадзе пражывала 50 914 чал., а ў 1926 г. — ужо 407 000, з іх 47 % нарадзіліся за мяжой (італьянцы, немцы, харваты, палякі і іншыя). 19 мая 1969 г. у горадзе ўспыхнула паўстанне супраць дыктатарскага рэжыму ў краіне.
Насельніцтва
| |||||||||
Гарады-пабрацімы
- Gangi[d], Італія (2012)
- Імперыя, Італія (1987)
- Алесандрыя, Італія (20 лістапада 1988)
- Алматы, Казахстан (26 лістапада 2019)
- Асунсьён, Парагвай (1993)
- Барселона, Іспанія (1999)
- Більбаа, Іспанія (1988)
- Вальпараіса, Чылі (1994)
- Дакар, Сенегал (1998)
- Кансепсьён, Чылі (1997)
- Каракас, Венесуэла (1998)
- Краіна Баскаў, Іспанія (2002)
- Кувейт, Кувейт (2011)
- Курытыба, Бразілія (2006)
- Куэнка, Эквадор (2011)
- Ліверпул, Вялікабрытанія (2017)
- Мальданада[d], Уругвай (2006)
- Мантэвідэа, Уругвай (1998)
- Мантэрэй, Мексіка (1993)
- Манісалес, Калумбія (1998)
- Медэін, Калумбія (4 жніўня 2011)
- Мехіка, Мексіка (1996)
- Парма, Італія (1998)
- Порту-Алегры, Бразілія (22 лістапада 1994)
- Пірэй, Грэцыя (1993)
- Піска[d], Перу (1986)
- Санта-Дамінга, Дамініканская Рэспубліка (1998)
- Санта-Клара, Куба (2018)
- Санта-Крус-дэ-ла-Сьера, Балівія (1998)
- Сант’яга-дэ-Куба, Куба (1993)
- Сент-Луіс, ЗША (лістапад 2017)
- Турын, Італія (2013)
- Хайфа, Ізраіль (1988)
- Шанхай, Кітай (17 чэрвеня 1997)
- Эстрэмадура, Іспанія (1998)
- дэпартамент Качабамба[d], Балівія (1997)
- правінцыя Парма, Італія (2005)
Спасылкі
- Афіцыйны сайт муніцыпалітэта Расарыа Архівавана 25 мая 2002.
