Sikkim

An Sikkim (; Pagsayod sa Nepali:) iyo an estado sa amihanan-subangan na Indya. Napapalibotan iyan kan Awtonomong Rehiyon kan Tibet kan Tsina sa amihanan asin amihanan-subangan, Bhutan sa subangan, Koshi Province kan Nepal sa solnopan, asin West Bengal sa habagatan. Harani man an Sikkim sa Siliguri Corridor, na nagpapalibot sa Bangladesh. An Sikkim iyo an bakong matawo asin ikaduwang pinakasadit sa gabos na mga estado kan Indya. Namomogtak sa Subangan na Himalaya, an Sikkim notable huli sa saiyang biodibersidad, kabali an alpine asin subtropical na mga klima, siring man an pagigin host sa Kangchenjunga, ab pinakahalangkaw na tuktok sa Indya asin ikatulong pinakahalangkaw sa Kinaban. An kabisera asin pinakadakulang syudad kan Sikkim iyo an Gangtok. Haros 35% kan estado natatahoban kan Khangchendzonga National Park – a UNESCO World Heritage Site.