Ruby Jean Cruz (namundag Marso 31, 2000) sarong Amerikanang aktres. Nag-arte siya sa manlainlain na halipot na pelikula asin serye nin telebisyon kaiba an Mare of Easttown asin Castle Rock, dangan pinakabistado bilang Kit Tanthalos in Willow.
Kan 2023, ginibo niyang tampok na labang pelikula si Hazel Calahan sa Bottoms, ini ang pinanginotan ni Emma Seligman.
Karera
Si Ruby Cruz namundag sa aktor asin musikerong si Brandon Cruz saka Liz Cruz, sarong entrepreneur. Si Cruz nagdakula sa Los Angeles, California, asin nagpoon na mag-audition para sa mga papel sa pelikula saka telebisyon sa haiskul. Nag-adal sya nin teatro sa DePaul University bago siya nag-dropout para ipadagos an saiyang karera sa pag-aarte.
Kan 2018, si Cruz ginampanan an nguhod na bersyon kan karakter ni Lizzy Caplan, na si Annie Wilkes, sa Castle Rock. Si Cruz nakaresibi nin pag-umaw gikan sa TVLine huli ta siya an naglaladawan kan pisikal na hawak ni Caplan. Kan 2020, si Cruz nagluwas sa ika-10 season kan mga Blue Bloods.
Kan 2021, si Cruz nagluwas bilang Jess Riley sa seryeng drama na Mare of Easttown sa HBO. Paghaloyhaloy kan taon na idto, si Cruz na-cast bilang Kit Tanthalos, an kaenot-enoteng hayag na lesbian na prinsesa kan Disney, sa serye sa telebisyon na Willow. An palabas, na nag-abot kan Nobyembre 2022, nagseserbing sarong sequel sa pelikulang kan 1988 na igwa nin parehong titulo.
Kan 2023, nagluwas siya kaiba si Raquel Sennott asin Ayo Edebiri sa Bottomsbilang Hazel Callahan, saro sa nagtatag kan sarong hayskul na club para sa mga babayi.
Personal na buhay
Nagpabisto si Cruz bilang queer. An saiyang ama iyo an Amerikanong dating aktor asin punk na musikerong siBrandon Cruz. An saiyang ina, si Elizabeth "Liz" Cruz (née Finkelstein), sarong entreprenyur, na inagom kan saiyang ama kan 1994 asin sa huri nagdiborsio. Igwa siyang sarong matuang na tugang na lalaki, si Lincoln, namundag kan 1995.
