An Red Velvet (Hangul: 레드벨벳) iyo sarong Sur na Koreano na girl group na pigmokna asin nasa irarom kan SM Entertainment. Nagdebyu sinda kan Agosto 1, 2014 kaiba an saindang digital na solong "Happiness" kun sain sinda igwa pa sanang apat na miyembro: iyo sinda Irene, Seulgi, Wendy, asin Joy. Si Yeri nagbale sa grupo kan Marso 2015, pagkatapos kan enot nindang mayor na pigluwas na Ice Cream Cake. Sa lado nin musika, an Red Velvet may kaibang solamenteng dual sonic na konsepto na iyo mahihiling sa ngaran kan saindang grupo: an predominante nindang "red" na parte na iyo eksperimento sa pop na electroniko, funk, asin hip hop, asin man an "velvet" na parte iyo nakapokus sa impluwensya kan '90s-R&B na may elemento nin ballad asin jazz.
Kaiba nin diskograpiya kan grupo sa tataramong Koreano iyo an duwang studio albums, sarong reissue album, sarong kompilasyon, asin siyam na extended plays—11 kaini nangenot sa Gaon Album Chart kan Sur na Korea. An mga suminikat na solong "Red Flavor" asin "Power Up" nagin numero uno sa Gaon Digital Chart; kaiba an ibang solong nakalaog sa Top 5, na iyo an "Happiness", "Ice Cream Cake", "Dumb Dumb", "Russian Roulette", "Rookie", "Peek-a-Boo", "Bad Boy" asin "Psycho". An grupo luminaog naman sa lado nin musika sa nasyung Hapon kaiba an saindang extended plays na #Cookie Jar (2018) asin Sappy (2019).
An Red Velvet nakaresibe nin nagkapirang accolades sa kahiwasan kan saindang karera, kaiba an 2015 Golden Disc New Artist Award, an 2017 Mnet Asian Music Award para sa Best Female Group, 2018 Korean Music Awards Best Pop Song para sa "Red Flavor" asin 2019 Song of the Year Award sa Asia Artist Awards para sa "Umpah Umpah". An grupo pig-oomaw sa saindang dibersibong diskograpiya asin "hook" na kanta, kun sain sinda an ika-limang pinakapigdadangog na K-pop na artista sa Spotify kan Pebrero 2020. Sa pang-nasyunal sinda pigbibisto bilang saro sa pinakamakapangyarihang selibridad sa Sur na Korea segun sa Forbes Korea kan 2018 asin 2019. Sa pang-internasyunal sinda pigpangaranan bilang saro sa pinakapopular na K-pop na grupo segun sa Time asin Billboard, asin pigbibisto man sa saindang kontribusyon sa pagpalakop kan Korean wave asin kulturang Koreano.
Karera
Istilo
An musika asin imaheng pampubliko kan Red Velvet iyo yaon sa magkasuway na bagay na "red" asin "velvet". An kabangang "red" iyo nagpapahilingnin labis asin glamorosong imahen, asin man an "velvet" iyo mas femino asin malumoy. An saindang dae nahahaloy nagibo iyo salak nin duwang bagay na nagpapahiling nin senswalidad, kolor, asin sopistikasyon. Sa lado nin musika, an "red" na parte iyo predominante sa pop na genre, asin an saindang "velvet" na parte iyo harus R&B asin ballad; pero an grupo nag-eeksperimento man nin mga lain na genre. An duwang konsepto kan Red Velvet iyo nakakaapekto sa istilo kan mga miyembro. Uli sa saindang "red" na konsepto, harus sinda nakabado nin makolor asin tradisyonal na girlish na pagbadot, arug kan pastel sweaters asin skirts sa "Ice Cream Cake" asin pulang manika na pagbado sa "Dumb Dumb". An saindang pagbado mas mature para sa saindang "velvet" na konsepto, arug kan saindang suits sa "Be Natural".
Imahe
An Red Velvet pig-oomaw sa pagbari nin mga stereotypes sa mga popular na mga girl group sa Sur na Korea, kun sain harus masasabing pwedeng "cute asin puro" o "sexy". Sa nasyun kun sain an kadaklan na fanbases kan mga girl group iyo mga kalalakihan, narisa ni Taylor Glasby kan Dazed Digital na kadaklan sa mga fans kan Red Velvet iyo mga joven na babae. An IZE Magazine pigpangaran an grupo bilang saro sa mga pinakamatrayumpo na babaeng figura na iyo nakatabang sa pagliwat sa "pasibong imahe" kan kababaihan sa Sur na Korea. An Billboard pigheras na an Red Velvet iyo an pinakapaborito na K-pop na grupo kan taon sa gabos na identidad nin sekswalidad sa popular na internet forum na Reddit.
An bersalidad sa musika kan Red Velvet iyo nagtao sainda nin rekognisyon sa Time na magasin bilang saro sa "Best K-pop groups" sa bilog na kinaban. An Red Velvet pig-oomaw man sa saindang brand recognition asin marketing power, kun sain nangenot sinda sa 'Girl Group Brand Power Ranking' na pigpublikar kan Korean Corporate Reputation Research Institute nin pirang beses. Kan Nobyembre 2019, an Billboard pigkoronohan an Red Velvet bilang "the best idol group alive" asin pigpangaranan an "Red Flavor" bilang ika-duwang Best K-pop song kan 2010s. An pagkanta kan Red Velvet sa Pyongyang kan 2018—iyo an naghimo sainda bilang ikapitong idolong grupo na nagperformar sa Norteng Korea asin an enot puon 2003— na iyo parte kan pinahiwas na diplomatikong inisyatibo sa tahaw kan Sur na Korea asin North Korea kun sain naguno kan grupo an komendasyon hale sa Ministry of Culture, Sports and Tourism kan Sur na Korea para sa saindang kontribusyon sa pagpapalakop kan popular na kultura kan nasyun. Manungod sa Korean Wave kan 2018, an direktor kan Korea Foundation for International Cultural Exchange pigsabi na an Red Velvet iyo mayor na kontributor asin saro sa mga pinakatalentadong idolong grupo sa nasyun, kun sain sinda iyo pigpromotar nin kadakula an K-pop sa bilog na kinaban.
Mga miyembro
- Irene (아이린)
- Seulgi (슬기)
- Wendy (웬디)
- Joy (조이)
- Yeri (예리)
Pilmograpiya
Reality show
- Level Up Project!
Pelikula
| Taon | Titulo | Ganap | Paisi | Tol. |
|---|---|---|---|---|
| 2015 | SMTown: The Stage | Sinda | Biyograpikal na pelikula | |
| 2020 | Trolls World Tour | The K-Pop Gang | Computer-animated, musical comedy film |
DVDs
- Red Velvet DVD & Blu-ray Red Velvet 1st Concert "Red Room" sa Hapon
- Red Velvet DVD & Blu-ray " Red Velvet 2nd Concert "REDMARE" sa Hapon
Mga konsyerto
- Red Velvet 1st Concert "Red Room" (2017–2018)
- Red Velvet 2nd Concert "Redmare" (2018–2019)
- Red Velvet 3rd Concert "La Rouge" (2019–2020)
Panluwas na takod
- Opisyal na websityo kan Red Velvet Archived 2018-03-03 at the Wayback Machine.
