An NoFap sarong websityo asin pankomunidad na nagseserbing sarong grupong suporta para sa mga nagmamawot na butasan an pornograpiya asin masturbasyon. An pangaran kaini gikan sa saróng katagang slang na fap, na pinapanungdan an panlalaking masturbasyon. Minsan ngani an mga dahelan kan paglikay na ini nagkakalaenlaen sa indibidwal, an pangenot na motibasyon na sinitar iyo an pagprobar na daogon an pagkaadikto sa pornograpiya, o iba pang bangkag na sekswal na paggawe. Kaiba sa iba pang dahelan kan paglikay iyo an relihiyoso asin moral na mga dahelan, pag-uswag kan sadiri, asin pisikal na mga paniniwala na dai sinusuportaran nin medisina.
An mga punto de vista asin paghihingoa kan grupo na labanan an pagkaadikto sa pornograpiya tinatsaran na simplistiko, daan na, asin sala segun sa mga neurosiyentista, sikologo, asin iba pang propesyonal sa medisina. An siyensya sa likod kan mga aktibidad kan grupo nagsabi na hale sa aktibistang anti-porn na si Gary Wilson, "sarong taga Oregon na mayo nin sientipikong pagsasanay o pinaghalean, na naggibo nin karerang nagpapalakop kan peudsoscience."
Kan Setyembre 16, 2022, an komunidad nin NoFap online igwa nin labing rehistradong 333,000 na miembro.
