Si Mary Elizabeth Truss (namundag 26 Hulyo 1975) sarong politikong Briton na iyo ngonyan an presenteng Primer Ministro kan Reyno Unido asin Lider kan Partido Konserbatibo, mga pwestong kapot niya poon pa kan 6 asin 5 kan Septyembre 2022 sa pasurunodan.
Si Truss nangagin nang Myembro nin Parlamento (MP) para sa South West Norfolk poon pa kan 2010. Siya nagkapot iba-ibang pwesto sa Gabinete sa irarom kan mga minasurunod na primer ministro David Cameron, Theresa May asin Boris Johnson, na pinakahuri ngani komo Sekretaryong Panluwas poon 2021 sundo 2022. Si Truss iyo an ultimo sa kaglimang primer ministrong Briton na nagsirbe durante kan pamomoon ni Elizabeth II, na binawian-buhay kan 8 Septyembre 2022, ikaduwang aldaw pakanombra ki Truss sa saiyang katongdan, asin enot na magsirbe sa irarom kan pamomoon ni Charles III.
Si Truss nagdimitir sa pwestong pagka Primer Ministro ika-45 aldaw lamang kan siya magtukaw sa siring na katongdan. Kadungan kaini, siya nagbutas man komo lider kan Partido Konserbatibo. Pig'anunsyo niya ini kan petsa 20 nin Oktobre, 2022 asin mabutas kan pwesto kun igwa nang napiling kasalida saiya. Siya an nagsirbeng Primer Ministro sa terminong pinakahalipot.
