Si John Royce Mathis (namundag Septyembre 30, 1935) sarong Amerikanong parakanta. Siya an saro sa pinakamasulong na rekording artist kaining ika-20ng siglo. Nagpoon sa pagrekord nin mga solong allbum na standard music, si Mathis nagin popular na marhay na album artist, na magkapirang album niya nakamit an bulawan o platinum na ranggo asin 73 kaini nakasangat sa Billboard charts.
Si Mathis nakaresibe kan Grammy Lifetime Achievement Award asin napabali sa Grammy Hall of Fame sa tolong rekording. Dawa ngani parati nalaladawan siyang garo parakantang romantiko, an saiyang diskograpiya kasali an traditional pop, Latin American, soul, rhythm and blues, show tunes, Tin Pan Alley, soft rock, blues, country music, asin dikit na discong kanta sa album niyang Mathis Magic kan 1979. Si Mathis nagrekord man nin pitong album na Christmas music. Sa sarong 1968 na interbyu, saiyang nasambit na si Lena Horne, Nat King Cole, asin Bing Crosby an mga impluwensya niya sa musika.
