An ipis o kuratsa (o kukuratsa) mga insekto nasasakop sa order Blattodea (Blattaria). Mga 30 espesye nin kuratsa sa bilang na 4,600 an kadaramay sa mga eerokan nin tawo. An ibang mga espesye mga hayag na mga peste.
An modernong kuratsa antigong grupo an ginikanan na enot nagbutwa durante kan Late Jurassic. An mga antigong ginikanan na ini inaapod na "roachoids", na sinasabi nagtunga kan panahon na Carboniferous mga 320 milyon na taon nang nakaagi. An mga gugurang na mga kuratsang ini nagkukulang nin internal na ovipositor na makukua sa modernong mga kukuratsa. An mga kuratsang ini mga insektong nagkukulang nin espesyal na piyesa (arog kan nagsusupsop na ngimot kan mga aphid asin ibang mga tunay na mga bugs); ini igwang mga pangnguta' saka ini iyo na gayod an pinaka-primitibong mga insektong Neoptera. Ini mga komun asin matatagal na mga insekto kayang mabuhay sa ano-ano man na mga klima, sa lipot man kan Arctic sagkod sa init sa tropikal. An mga tropikal na mga kukuratsa parati mas darakula sa mga species nagpipirme sa templadong klima.
