Si George Smith Patton Jr. (11 Nobyembre 1885 – 21 Desyembre 1945) sarong heneral sa United States Army na iyo an namayo kan Seventh Army sa Mediterranean Theater kan Ikaduwang Gerang Pankinaban, dangan namayo kan Third Army sa Pransya asin Alemanya matapos kan Allied invasion of Normandy kan Hunyo 1944.
Namundag kan 1885, si Patton nag'atender sa Virginia Military Institute asin sa United States Military Academy sa West Point. Siya nag'adal man nin fencing asin nagdesenyo kan M1913 Cavalry Saber, na mas komun na bisto sa apod na "Patton Saber." Siya nagbali sa modern pentathlon sa 1912 Summer Olympics na ginibo sa Stockholm, Sweden, na nasikwit an ika-limang lugar. Si Patton nakatapsok sa kombat durante kan Pancho Villa Expedition nin 1916, an pinakaenot na aksyon militar kan Estados Unidos na gamit an de motor na mga behikulo. Siya man napalaban sa [[Enot na Gerang Pankinaban] komo parte kan bagong United States Tank Corps sa irarom kan American Expeditionary Forces: saiyang pinamayohan an U.S. tank school sa Pransya, dangan namayo sa paglusob paagi nin mga tanke sa hampangan na kombat asin ta siya nalugadan pahinapos na kan gera. Sa peryodong pag'ultan si Patton pigurang sentral sa pagpadakula kan armored warfare na doktrina, na siya nagsirbe sa magkapirang katongdan sa nasyon. Sa paglaog kan Estados Unidos sa Ikaduwang Gerang Pankinaban, siya an nagin kumander kan 2nd Armored Division.
