Anito (hulagway nin kulto) o mga diyus-diyos sa praktis nin relihiyon, an anito o hulagway nin kulto iyo an sarong bagay na hinimo nin tawo na ginarespeto o ginasamba para sa diyos, espiritu, o daemon na saiyang ginarepresenta o ginapuwyan. Sa ibang tradisyon, kaiba na an mga sinaunang relihiyon kan Ehipto, Grecia, Roma, asin Hinduismo, an mga kulto na larawan sa templo nagpapailarom sa pangaldaw na ritwal pinapaligoan, pinapasuotan, asin binibilinan nin pagkaon. An mga prusisyon sa gua kan templo sa panahon nin espesyal na kapistahan, parte man kan selebrasyon.
An mga relihiyoso na larawan sakop nin mas dakulang klase nin mga imahe na may relihiyosong katuyuan, hilisgutan, o koneksyon. Sa dakul na konteksto, an anito o "hulagway nin kulto" nagtutukoy sa pinakaimportanteng imahe sa templo, na itinatago sa loob o sa sagrado na parte, kabali an mga iba pang imahe na dekorasyon sana sa templo.
An terminong anito o diyus-diyos nagtutukoy sa larawan o representasyon nin diyos na ginagamit bilang bagay sa pagsamba, mantang an idolatriya iyo an pagsamba sa diyus-diyos na para bang siya mismo an tunay na Diyos.
