UEFA

2 min read
In 119 languages
2 images

De UEFA (Union of European Football Associations) is da eiropeische Fuaßboivabond. Er is oana vo di sechs Kontinentalvabende vo da FIFA. Am 15. Juno 1954 is se in Basl gründet worn und hot seit 1995 irn Sitz in Nüoo in da Schweiz.

Oaganisatioun

Da President vo da UEFA is ollaweil a da Wizepresident vo da FIFA. Seit Septemba 2016 is des da Aleksander Čeferin. Vuahea woas da Michel Platini. Neman Presidentn gibts a an Generalsekretea und ebn des Exekutifkomitee, wo da President mit seine via Wizes ebn a drin is.

Bishearige Presidentn von da UEFA

Nam	Lond	vo	bis
Ebbe Schwartz	Dänemaak	1954	1962
Gustav Wiederkehr	Schweiz	1962	1972
Sandor Barcs	Ungan	1972	1973
Artemio Franchi	Italien	1973	1983
Jacques Georges	Fraunkreich	1983	1990
Lennart Johansson	Schwedn	1990	2007
Michel Platini	Fraunkreich	2007	2016
Aleksander Čeferin	Slowenien	2016	jez

Vabende

Momentan san 55 Nationalvabende bei da UEFA Mitglied. De san oba net olle aus Eiropa. Oda des wos mia unter Eiropa vastehn. Zum Beispü san do a suichane Lenda wia Kasaxtan, Israel oda a de Tüakei dabei. Die neichastn Vabende san Gibralta und Kosowo. Es deafn nua Monschoftn vo de Mitgliedslenda bei de Beweabe, de vo da UEFA austrogn wern, mitmochn. Die Midglidslenda san foigende:

Lond	Beitritsjoa	Lond	Beitritsjoa
Oibanien	1954	Malta	1960
Andorra	1996	Noadmazedonien	1994
Armenien	1992	Moldawien	1993
Aserbaidschan	1994	Montenegro	2007
Bejgien	1954	Holland	1954
Bosnien-Herzegowina	1998	Nordirland \|\| 1954
Buigarien	1954	Norwegn	1954
Dänemark	1954	Östareich	1954
Deitschland	1954	Poin	1955
England	1954	Portugal	1954
Estland	1992	Rumänien	1954
Färöer	1990	Russland	1954 (ois Sowjetunion)
Finnland	1954	San Marino	1988
Frankreich	1954	Schottland	1954
Georgien	1992	Schwedn	1954
Gibraltar	2013	Schweiz	1954
Griachaland	1954	Serbien	1954 (ois Jugoslawien)
Irland	1954	Slowakei	1993
Island	1954	Slowenien	1994
Israel	1994	Spanien	1954
Italien	1954	Tschechei	1954 (ois Tschechoslowakei)
Kasachstan	2002	Tiakei	1962
Kosovo	2016	Ukraine	1992
Krowozien	1993	Ungarn	1954
Lettland	1992	Wales \|\| 1954
Liechtenstein	1974	Weißrußland	1993
Litaun	1992	Zypern	1962
Luxnbuag	1954

In Zukumpft kennt ano Grenlond da UEFA beitretn.

Wettbeweabe

Und zwoa vaonstoitet de UEFA unta ondarem fuigende Beweabe:

Fia Nationalmonschoftn

Eiropamastaschoftn fia Weiba und a fia Mauna
Eiropamastaschoftn fia Jugendmonschoftn (U-21, U-19 und U-17)
Futsal-Eiropamastaschoft

Fia Vareine

de UEFA-Dschämpjons-Liig
de UEFA Eiropa Liig
da UI-Cup (is in da Saison 2008/09 zum ollaletztn Mol austrogn woan)
da Eiropeische Supacup

A jedes Mitglidslond kriagt vo da UEFA a gewisse Onzohl an Stoatpletzn. Wöches Lond wia vü Monschoftn in wöchan Beweab entsendn deaf, sted in da UEFA-Fümfjoaresweatung. Wöche Monschoftn des dann san, muass sie a jedes Land söwa ausmochn. De meistn Lenda mochn des üba eanare Fuaßboiliga, oba es wean a monche Pletz fia zum Beispü an Sieg im nationaln Pokalbeweab heagebn.