|
Miskolc
Mischkolz
Basisdatn
Stoot:
Ungarn
Region: Észak-Magyarország
(Nord-Ungarn)
Komitat:
Borsod-Abaúj-Zemplén
Kloagebiet: Miskolc
Koordinaten:
48° 6′ N, 20° 47′ O
Häh: 130 m
Flächn: 84,157 km²
Eihwohna: 168.075 (1. Jen. 2011)
Dichtn: 1.997 Eihwohna je km²
Telefonvoawoi: (+36) 46
Postloatzoi: 3500 – 3549
KSH kódja: 30456
Struktua und Vawoitung (Stand: 2014)
Gmoaoart: Stod
Buagamoasta: Ákos Kriza (Fidesz-KDNP)
Postoschrift: Városház tér 8.
3525 Miskolc
Netzseitn:
Miskolc [] (deutsch Mischkolz) da Komitatssiez vom Komitat Borsod-Abaúj-Zemplén, liegd im Noadostn vo Ungarn. Mid da Eihwohnazoih vo 168.075 (Stond: 1. Jenna 2011) is Miskolc noch: Budapest, Debrecen und Szeged de viatgressde Stod vo Ungarn. Miskolc liegd on de Ostauslaifa vom Bükk-Gebiag.
De Stod is's Zentrum vo oana vo de siem Regiona in Ungarn.
Gschicht
Miskolc woa scho in da Jungstoazeid bewohnd, de ejdasdn archäologischn Fundsticke san scho 70.000 Joar oid. De ejdasdn bekonndn Bewohna vo da Gengd woan de Köitn. Onstej vo da heiting Diósgyőra Buag is scho voa da Osiedlung vo de Magyaren a Festung gstondn.
Miskolc hodn offiziejn Status vo oana Stod 1365 vo Kini Ludwig eahoidn, dea aa de Diósgyőra Buag renovian lossn und de zum Eingtum vo da Krone eaklead hod. De Stod is bis 1848 in kinilicha Hond bliem.
Miskolc hod se schnej entwickld. Im 15. Joarhundad hod de Stod scho 2000 Eihwohna ghod, doch de schneje Entwicklung hod se weahnd da osmanischn Eaobarung valongsomd. De Stod is vo da tiakischn Herrschoft 1687 befreid worn.
1724 is Miskolc zum Komitatszentrum vo Borsod eanennd worn. De easchte Voikszejung hod 1786 stottgfundn und hod eagem, doss de Stod domois 2414 Haisa und 14.179 Eihwohna ghod hod.
De wichtigsdn Gebaide san weahndm 18. und 19. Joarhundad eabaud worn, so as Rodhaus, as Komitatshaus, a Theata oda de Synagoge.
1945 san: Miskolc, Hejőcsaba und Diósgyőr vaoanigd worn – doduach is as heitige Nagy-Miskolc (Groß-Miskolc) entstondn.
In de 1990a Joar hod Miskolc sei wichtige Roin in da Industrie valoan.
Demografie
| Joar | Eihwohnazoih | Bemerkunga |
|---|---|---|
| 1786 | 14.179 | |
| 1850 | 16.345 | |
| 1870 | 21.199 | |
| 1891 | 30.408 | |
| 1930 | 61.559 | Voam Vatrog vo Trianon (1920) woa Miskolc de zwejftgressde Stod, donoch de sechstgressde. |
| 1941 | 77.362 | |
| 1950 | 100.000 | Seit 1949 de zwoatgressde ungarische Stod |
| 1960 | 144.217 | |
| 1965 | 163.600 | |
| 1985 | 211.600 | Bishea hexde Eihwohnazoih |
| 1996 | 191.885 | |
| 2001 | 180.282 | |
| 2005 | 175.701 | |
| 2011 | 168.075 |
Im Netz
- Offizielle Homepage der Stadt Miskolc
