De Absalon-Klass (dt.: Absalon-Klasse) is a Klass vo Kommando- und Untastitzungsschiif in Fregattngräss, de vo da dänischn Marine seit 2004 eihgsetzd wead. De bishea zwoa Schiif san vo Odense Staalskibsværft in Odense baud worn.
Gschicht
De zwoa Schiif vo da dänischn Marine san 2004 und 2005 in Dienst gstejd worn. De Woffnsysteme san eascht noch und noch bis 2008 instoiiad worn. Dobei is nua's Bordgschitz in Odense instoiiad worn, weahnd olle ondan Systeme vo da Marine in Korsør sejbsd eihbaud worn san. De Schiif san seit iahra Indienststejung voawiengd im internationaln Eihsotz untawegs.
Technik
De etwos ungwähnli klassifiziadn Schiif vo da Absalon-Klass wean aa ois „Flexible Untastitzungsschiif“ oda „Kompfuntastitzungsschiif“ bezeichnd. Se basian af om Fregattn-Design mid om Meahzweckdeck, wos iwa a Valoderampe vafuigd. Af'm Schiif bfindn se a Kommunikazionssystem und Raimlikeitn fia on Stob vo bis za 70 Peasona. 130 weidare Peasona kenna in Containa af'm Meahzweckdeck untabrochd wean. As Schiif ko so aa za Olondung und Fiahrung vo Bodntruppn gnutzd wean. As Meahzweckdeck ko aa zan Leng vo bis za 300 Minen oda fia Minensuachoperaziona vawendd wean. Driwa naus ko's Deck ois Fejdlazarett oda zan Transpoat vo Containa, bis za 55 Foahzeing inklusiv 7 Kompfpanza gnutzd wean.
Driwa naus kenna de Schiif zwoa Londungsboote Typ SRC90E und zwoa kloane Helikopta midfiahn.
Eihheitn
Buida
