La xenofobia (del griegu fobos, "mieu", y xenos, "forasteros" o "estranxeros") ye'l tarracimientu a persones o cultures distintes, o consideraes como estranxeres.
Según la UNESCO, los significaos de los términos "xenofobia" y "racismu" de cutiu se superponen, pero tienen significaos distintos:
- La xenofobia suel basase n'aspeutos de cultura (opónse, por tantu a la interculturalidá), relixón (nes nueses sociedaes, les más habituales son la islamofobia), la cristianofobia, etc.
- El racismu básase namás na raza, la etnia y ascendencia.
Puede tratase de prexuicios raciales, culturales, relixosos o a cencielles escontra individuos. Col surdimientu de les ideoloxíes fascistes nel sieglu XX la xenofobia aportó a un problema bien grave, qu'entá güei perxudica a munches sociedaes del mundu, anque nun ye un fenómenu d'orixe puramente ideolóxicu.
Enllaces esternos
- Esta obra remanez de la traducción de Xenofòbia de Wikipedia - catalán, concretamente d'esta versión, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.
- Wikimedia Commons acueye conteníu multimedia sobre Xenofobia.
