Wikiproyeutu:Asturies - Cymru
Wrexham (galés: Wrecsam) ye una villa galesa y la capital de l'autoridá unitaria de Wrexham, al norte de Gales y cercana a la frontera natural con Inglaterra (Reinu Xuníu). Nel censu de 2001 tuvo una población de 42.576, y foi envaloráu en 2010 pol gobiernu británicu que la población foi 63.084. Ye la llocalidá más grande en Gales del Norte, y la novena más grande de la nación.
Historia
Los primeros habitantes llegaron a la rexón 1600 años antes de Cristu. Los sos restos, de la Edá del Bronce, fueron afayaos en 1958. El so primer edificiu foi un castiellu en 1161, y por eso la villa yera conocíu como «El Castiellu de Wristleham». Wristleham, y Wrexham, vinieron del idioma inglés vieyu. Wryhtel yera'l nome d'una persona desconocida, y hamm significa una pradería mojava. La primer ilesia en Wrexham foi mentada per primer vegada en 1220, y en 1390, la villa tuvo'l so primer mercáu y la so primer fiesta.
Dende'l 17 de marzu de 1970, Wrexham ta hermanada con Iserlohn, una ciudá alemana nel estáu occidental de Renania del Norte-Westfalia. Ta hermanada tamién con Racibórz, una villa na Voivodato de Silesia nel sur de Polonia, dende marzu de 2004.
Wrexham foi una de les 26 candidatures que participaron l'estatus de ciudá pal 60˚ aniversariu del mandatu de la reina Sabela II en 2012.
Deporte
El Wrexham Football Club fundóse pa los xugadores del so club de críquet como un deporte pa iviernu, y ye'l club profesional el más vieyu en Gales. En 1921, Wrexham foi escoyíu a la división del sur de la Football League One, y foi apostráu a la Conference National en 2008. El club ye conocíu como «the Dragons» (los Dragones) o «the Robins» (los Raitanes).
L'Asociación de Fútbol de Gales fundóse en febreru de 1876 nel Hotel Wynstay Arms en Wrexham. La 5 de marzu de 1877, la Seleición de fútbol de Gales xugó'l so primer partíu en casa contra Escocia nel estadiu de Wrexham, el Racecourse.
