Thomas Edward Hopper (28 de xineru de 1985, Coalville), más conocíu como Tom Hopper, ye un actor británicu, conocíu por interpretar a Sir Percival na serie de la BBC Merlin, a Dickton Tarly en Game of Thrones, al pirata Billy Bones en Black Sails y a Luther na serie de Netflix The Umbrella Academy. Tamién trabayó en Casualty.
Biografía
Tom Hopper nació en Coalville (Leicestershire). Estudió actuación nel Rose Buford College, onde se graduó en 2006. Mentes estudiaba fixo trabayos en teatru como La tempestá, The Way of the World, Friday Night yFesten.
Hopper foi contratáu pa una puesta de As You Like It nel Watford Palace Theater. Tien trabayao en varios programes de televisión y películes como Saxon, Casualty, Kingdom y Doctors.
Interpretó a Marcus en Tormented, una comedia d'atierru alrodiu d'un adolescente atortoráu que torna de la muerte pa vengase de los sos compañeros de clas. La película, fecha por BBC Films y Forward Films, estrenóse'l 22 de mayu de 2009 nel Reinu Xuníu.
Foi escoyíu pal papel de Sir Percival na serie de la BBC Merlin. Apaeció nun episodiu de la tercer temporada y en tolos de la cuarta y quinta.
El 3 de xunu de 2012, participó nel programa de concursos Deal or No Deal.
Participó na película Cold, filmada n'Irlanda en 2012.
Interpretó a Billy Bones en Black Sails, serie dramática que cueye delles idees y personaxes de La islla del tesoru, de Robert Louis Stevenson.
Forma parte del repartu de The Umbrella Academy nel papel de Luther Hargreeves, serie de Netflix estrenada'l 15 de febreru de 2019.
Filmografía
Televisión
Cine
| Añu | Títulu | Papel |
|---|---|---|
| 2007 | Saxon | Pescador |
| 2009 | Tormented | Marcus |
| 2012 | Cold | Tom |
| 2014 | Northmen: A Viking Saga | Asbjörn |
| 2018 | I Feel Pretty | Grant LeClair |
| 2019 | Terminator: Dark Fate | William Hardell |
| 2020 | The Hitman's Wife's Bodyguard | Magnusson |
| 2021 | Resident Evil: Welcome to Raccoon City | Albert Wesker |
| 2022 | Love in the Villa | Charlie Fletcher |
| 2024 | Space Cadet | Logan O'Leary |
Enllaces esternos
- Wikimedia Commons acueye conteníu multimedia sobre Tom Hopper.
- Tom Hopper na Internet Movie Database (n'inglés)
- Tom Hopper n'Instagram
- Tom Hopper en Twitter (cuenta verificada)
