Subxigante

1 min read
In 44 languages

All data from the card 1

Parte de: Diagrama de Hertzsprung-Russell

Una estrella subxigante ye una clase d'estrella que ye más brillosa qu'una nana de la secuencia principal, pero non tanto como una xigante pura.

Carauterístiques

Les estrelles subxigantes terminaron la fusión del hidróxenu nos sos nucleos. Nesta etapa, si los astros tienen una masa solar de 1 M_Sol, el centru contráise, provocando que la so temperatura aumente lo suficiente como pa treslladar la fase de fusión d'hidróxenu a una capa qu'arrodia'l nucleu. Poro, la estrella espándese, completando un pasu más escontra'l so tresformamientu nuna xigante colorada.

Al empiezu de la fase de subxigante (como ye'l casu de Procyon A), el diámetru y la lluminosidá aumentaríen, pero la estrella en sí va esfrecese un pocu o va camudar de color significativamente. Les subxigantes que tán más próximes a convertise en xigantes van tener diámetros más grandes y temperatures más baxes qu'otres estrelles de la secuencia principal de masa asemeyada.

Na clasificación espectral de Yerkes, la so lluminosidá ye de clase IV.

Estrelles subxigantes más cercanes al sistema solar

Nome	Denominación de Bayer	Tipu espectral	Masa (soles)	Distancia (años lluz)	Notes
Procyon	Alfa Canis Minoris	F5 IV-V	1,42	11,4	¿Subxigante?
Altair	Alfa Aquilae	A7 IV-V	1,7	16,7	¿Subxigante?
	Delta Pavonis	G5-8 IV-V	1,17	19,9	¿Subxigante?
	Beta Hydri	G2 IV	1,1	24,4
	Mu Herculis Aa	G5 IV	1,1	27,4
Xaronca	Delta Eridani	K0 IVe	1,2	29,5
Rutilicus Aa	Zeta Herculis	F9-G2 IV	1,5	35,2
Zavijava A	Beta Virginis	F8-A5 IV-V	1,3-1,4	35,6	¿Subxigante?
	11 Leonis Minoris	G8 IV-V	0,86	36,5	¿Subxigante?
Mufrid A	Eta Bootis	G0 IV	1,6-1,7	37,0
Deneb Algedi A	Delta Capricorni	A5-7 IVm	> 1	38,6