Mauke ye una de les Islles Cook, archipiélagu llibre nel Océanu Pacíficu asociáu a Nueva Zelanda. Tien una población de 300 habitantes.
Mauke tien la metá d'estensión en circunferencia que Rarotonga. La so mariña estiéndese 18 kilómetros ente que la de Rarotonga xube a 32 km. La topografía de Mauke ye distinta a la de la so hermana mayor, yá que consiste nuna placa volcánica central con altores d'hasta 30 metros y atópase arrodiáu como les demás islles por una barrera de petón fosilizáu. Nun hai ríos polo que l'agua d'agua concentrase en poces similares a les qu'esisten na islla de Mangaia. Ente la islla y el petón atópase una llaguna estrecha, pero dende ellí puede observase el batir incesante de les foles topetando contra el petón.
La área centro sur de Mauke da una sensación de ser un paisaxe rural européu, si non fora polos cocoteros. L'antigua pista d'aterrizaxe del interior recorvirtióse nuna carretera. Nun hai carreteres pavimentades, tán cubiertes por sable coralín, tal que taben les de Rarotonga nos años 50, antes de la llegada de turistes estranxeros. De la mesma forma qu'en Aitutaki, en Mauke nun hai perros, anque sí hai gochos selvaxes en númberu abondosu.
Historia
Mauke tien importantes buelgues prehistóriques. Esisten 11 llugares denominaos 'marae'. Esta palabra tien un significáu distintu en Nueva Zelanda. En Mauke refierse a una estructura pa ceremónies similar a les atopaes al este de Polinesia. llévense a cabu ceremonies nes que se recuerda a los antepasaos. En Nauke nun apaecen les estructures de roca destinaes al mesmu fin que pueden reparase nel grupu meridional de les Islles Cook, en Tahití y les Islles de la Sociedá.
Enllaces esternos
- Wikimedia Commons acueye conteníu multimedia sobre Mauke.
- Britannica, Mauke island, (n'inglés)
