Lampedusa

Lampedusa (Isola di Lampedusa n'italianu) ye la más grande de les islles del archipiélagu de les Pelagie nel Mar Mediterraneu. Allúgase a 205km de Sicilia y a 113 km de Tunicia siendo'l territoriu xeográficu allugáu más al sur. Política ya alministrativamente pertenez a Italia pero xeográficamente pertenez a África ya que'l llechu marín ente dambos nun escede los 120 metros de fondura. Los 20 km² de Lampedusa son secos y ensin fontes d'agua que nun seyan les irregulares lluvies. La islla tien una población de 5.500 persones que sosisten de la pesca, l'agricultura y el turismu. Na Segunda Guerra Mundial, la islla foi invadida por fuercies britániques demientres la Operación Corscrew.

El conceyu de Lampedusa afaya tamién les pequeñes islles de Linosa y Lampione; solo la primera ta habitada, demientres que la segunda solo acoye un faru. El nome oficial del conceyu ye Lampedusa e Linosa. Ta coneutada a Sicilia por un serviciu de ferris col puertu de Porto Empedocle, cerca d'Agrigento. Lampedusa tien tamién un pequeñu aeropuertu qu'acoye vuelos nacionales principalmente pel branu.