Evince ye un visor de documentos pal entornu d'escritoriu GNOME. Puen los múltiples visores de documentos qu'esisten en GNOME, como GGV, GPdf, y xpdf.
Evince entamó como una reescritura del códigu de gpdf, que la mayoría de la xente camentaba que se taba convirtiendo en daqué abegoso de caltener. Nun periodu curtiu de tiempu, sobropasó la so funcionalidá. Evince ta siendo activamente calteníu y desendolcáu. Ta escritu principalmente nel llinguaxe de programación C, con una pequeña parte escrita en C++ (el códigu pa facer la interface con poppler).
Evince inclúise en GNOME dende la versión 2.12, llanzáu'l 7 de setiembre de 2005, poro ensama parte de la suite oficial qu'incorpora Ubuntu.
Ta disponible en llingua asturiana.
Carauterístiques
- Busca
- Tien un mecanismu integráu de busca qu'estenderexa el númberu de resultaos alcontraos y resalta los resultaos na páxina.
- Páxines en miniatura
- Vistes de páxines en miniatura permiten una referencia rápida pa poder ñavegar nún documentu. Les páxines en miniatura alcuéntrense na estaya izquierda del visor.
- Indexáu de páxines
- Pa los documentos que soporten índices, Evince da la opción d'excibir l'índiz del documentu que permite movese rápido d'una seición a otra.
- Seleición
- Evince permite la seleición de testu n'archivos PDF.
Formatos de documentos soportaos
Evince sofita dellos formatos de documentu de simple y múltiples páxines. Equí ta la llista de los formatos qu'anguaño son sofitaos.
Sofitu internu
- PDF usando'l backend poppler.
- PostScript usando'l backend Ghostscript.
- DVI.
- TIFF multipáxina.
Sofitu opcional
- DjVu usando DjVuLibre backend.
- Microsoft PowerPoint usando libpreview (anguaño con calidá alpha).
Sofitu dable o planeáu
- Imáxenes (anguaño incluyíu como daqué esperimental, necesita trabayu).
Enllaces esternos
- Sitiu web oficial d'Evince (enllaz rotu disponible n'Internet Archive; ver l'historial y la última versión). (n'inglés)
- Wiki oficial d'Evince (n'inglés)
| Firefox | Evolution | LibreOffice | Gimp | Pidgin | Totem | gedit | Evince | Rhythmbox | File Roller | Ekiga | Brasero | Transmission | Synaptic | Vinagre | Gparted | Xsane | Eye of GNOME | Nautilus | F-Spot | Sound Juicer | |
