Cynthia Lynne Cooper (14 d'abril de 1963, Chicago) ye una ex xugadora de baloncestu d'Estaos Xuníos. Con 1.78 d'estatura, el so puestu natural na cancha yera'l d'escolta.
A nivel universitariu xugó cuatro temporaes coles USC Trojans, llogrando dos campeonatos nacionales en 1983 y 1984, anque nun se graduó.
Depués xugó nel club español Samoa Bétera (1986-87) y los italianos Parma (1987-1994) y Alcamo (1994-1996), llogrando numberosos premios a mayor anotadora.
A los 34 años d'edá, Cooper retornó a Estaos Xuníos en 1997 a xugar nos Houston Comets de la WNBA, llogrando cuatro títulos consecutivos. Permedió 21 puntos per partíu, llogrando amás los premios a Xugadora Más Pervalible de les temporaes 1997 y 1998.
Cooper integró la seleición d'Estaos Xuníos que ganó los Xuegos de la Bona Voluntá y el Campeonatu Mundial en 1986, los Xuegos Panamericanos de 1987 y los Xuegos Olímpicos de 1988.
La xugadora ingresó al Basketball Hall of Fame en 2010.
Trayeutoria
- Universidá del Sur de California (1982-1986)
- Samoa Bétera (1986-1987)
- Basket Parma (1987-1994)
- S.C. Alcamo (1994-1996)
- Houston Comets (1997-2000)
- Houston Comets (2003)
Enllaces esternos
- Ficha en basketball-reference
- Ficha en sports-reference
