descritu pola fonteDiccionariu Enciclopédicu Brockhaus y Efron
All data from the card 11
Reinu:
Animalia
Subreinu:
Eumetazoa
Superfilu:
Deuterostomia
Filu:
Chordata
Subfilu:
Vertebrata
Infrafilu:
Gnathostomata
Superclas:
Tetrapoda
Clas:
Amphibia
Subclas:
Lissamphibia
(ensin clasif.):
Salientia
Orde:
AnuraMerrem, 1820
Los anuros (Anura, gr.a(n), "non" y ourá, "rabu") son un cladu d'anfibios, con rangu taxonómicu d'orde, conocíos vulgarmente como xaronques y sapos. Caracterízase por escarecer de cola, por presentar un cuerpu curtiu y bien enancháu, y poles pates posteriores más desenvueltes y afeches pal saltu. Los anuros son el grupu más numberosu d'anfibios; envalórase qu'esisten más de 5.000 especies, partíes en 48 families. La mayoría pasa la so vida dientro o cerca del agua. El so tamañu puede variar dende unos escasos 8,5 milímetros, como ye'l casu de les especies del xéneru Eleutherodactylus, hasta talles que superen los 30 centímetros, destacando la xaronca goliat, l'anuru más grande del mundu.
Xaronques y sapos
Los nomes de «xaronca» y «sapu» referíense nun principiu a los dos tipos d'anuros qu'apaecen na Península Ibérica: les xaronques típiques (les del xéneru Rana), y los sapos típicos (los del xéneru Bufo); pero anguaño úsase pa otros grupos de forma indiscriminada y arbitraria. «Xaronca» suel referise a les especies más gráciles, de piel húmedo y llisa, bones saltadores, y de vezos trepadores o acuáticos. «Sapu» fai referencia a les especies de piel más seco y rugosa, más robustes, marchadores, menos axiloses y que suelen habitar nel suelu húmedu escavando galeríes. Poro, esta distinción ente xaronques y sapos nun ye una discriminación que tenga validez taxonómica.
Morfoloxía
Los anuros presenten una boca bien ancha, con dientes diminutos o ensin ellos, dependiendo de les especies, y con una llingua protráctil. Los güeyos tán provistos de párpagos y los oyíos nun tienen pabellones esternos, estremándose namái una membrana timpánica superficial. Los dos pares de pates son bien distintes ente sigo, alquiriendo un mayor desarrollu y robustez el par posterior, que, amás, alcuéntrase afechu al saltu. Les pates anteriores terminen en cuatro deus, mientres que les posteriores fainlo en cinco. Otra carauterística que favorez el saltu ye la presencia d'una columna vertebral amenorgada y ríxida llamada urostilo. Les cucharapes o cabezones (fase larvaria) lleven una vida acuática, ente que los adultos son terrestres y namái vuelven al agua nel momentu de la reproducción.
Evolución y sistemática
Les rellaciones filoxenétiques d'Anura y les secuencies de les primeres diverxencies d'esti cladu fueron materia d'un gran númberu d'alderiques. La mayor parte d'esti discutiniu céntrase na posición filoxenética de los clados dalguna vegada asignaos a Archeobatrachia (grupu parafiléticu compuestu por Leiopelmatidae y Ascaphidae) con respeuto de los clados de Neobatrachia. Esti últimu grupu, nel cual tán presentes más de 2/3 de les especies d'anfibios, ta formáu por Heleophrynidae y un cladu conformáu polos grupos Hyloides y Ranoides.
Los cladogrames tán basaos en Frost et al. (2006) y Heinicke et al. (2009).
Referencies
Baez, A. M. et al. (2009) Anurans from the Lower Cretaceous Crato Formation of northeastern Brazil: Implications for the early divergence of neobatachians. Cretaceous Research 30:829-846.
Beltz, Y. (2005) Frogs: Inside their Remarkable World. Firefly Books. ISBN 1-55297-869-9.
Cogger, H. G. et al. (2004) Encyclopedia of Reptiles & Amphibians Second Edition. Fog City Press. ISBN 1-877019-69-0.
Estes, R. & Reig, O. A. (1973) The early fossil record of frogs: a review of the evidence. páxs. 11–63 In J. L. Vial (Ed.), Evolutionary Biology of the Anurans: Contemporary Research on Major Problems. University of Missouri Press, Columbia.
Gissi, C. et al. (2006) Mitochondrial phylogeny of Anura (Amphibia): A case study of congruent phylogenetic reconstruction using amino acid and nucleotide characters. Gene366: 228–237.
Sanchiz, B. (1998) Encyclopedia of Paleoherpetology Part 4. München:Pfeil.
Enllaces esternos
Wikimedia Commons acueye conteníu multimedia sobre Anura.
