لّيزبيانة هي لمرا لمتلية، يعني لمرا لي عندها ميول جنسية ل عيالات، وماشي ل رجال. كلمة ليزبيانة أصلها من ليونانية (Λέσβος) كتنطق ليصبوص، لي هي واحد لجزيرة ف ليونان. واحد شاعرة يونانية سميتها صافو كانت ساكنة ف ديك لجزيرة، وكانت كاتكتب شعر رومنسي لي لأغلبية ديالو كان موجه ل عيالات، ف من هنا جات هاد سمية ديال ليزبيانة.
ليزبيانات و لفيمينيزم
ليزبيانات كانو داخلين ف لحركة ديال ل فيمينيزم مني يالاه بدات. لفيمينيزم هي مجموعة من لحركات سياسية و لإجتماعية لي كدافع على لحقوق ديال لعيالات. ولكن وقع واحد صراع بين لفيمينيست لي هوما ليزبيانات ولفيمينيست لي هوما مغايرات (بدلو سّيكس ديالهوم) ف ستينات وسبعينات. لفيمينيست لي مغايرات قالو بلي ليزبيانات ماكانش قابلهم لمجتمع، و ب تالي لوجود ديالهم داخل لفيمينيزم غايضر ب هاد لحركة. هاد صراع ليوم مابقاش كيما لول حيتاش لمجتمع بدا كايتقبل مجتمع لميم كاملو.
ليزبيانات كا عائلة
بزاف ديال لكوپلات لي ليزبيانات كايبغيو يكونو عندهم ولاد ديالهم باش يربيوهم. هاد لكوپلات بعض لمرات كايديرو تبني. ولكن ف بعض لبلايص ف لعالم ما مسموحش فيها ل مجتمع لميم يدير تبني. بعض لكوپلات تايكونو عندهم ولاد بيولوجيين. كايتبرع واحد راجل ب لماني ديالو، و كايديرو تخصيب صطيناعي.
العلاقة الرومانسية
