تاوريرت

كلمة تاوريرت الأصل ديالها أمازيغي وكتعني "التل" ولا "الكدية". فـالأصل كانت كتنطق "ثاورارث"، ومع لوقت ولات الثاء كتنطق تاء، وولات لمدينة معروفة بـ "تاوريرت" بلاصة "ثاورارث". هاد التغيير كيرجع للهجرة لعربية للمنطقة وتأثير اللغة العربية على الأمازيغية. ومازال لحد الآن كلمة "ثاورارث" كتستعمل عند بزاف ديال الناس من لقبائل لأمازيغية لمحلية، فمثلاً كيقولوا "غادي نمشي لتاوريرت" بـالأمازيغية: "ساذْروحغْ اغْرْ ثاوْررْثْ".

وقبل ما تسمى المدينة تاوريرت، كانت عندها سميات أخرى، بحال سمية "صاع" نسبة لـ واد زا اللي كان معروف فـالتاريخ بـ "واد صاع" ولا "صاء"، حيت حرف الزاي كيتنطق غليظ بحال الصاد، وكلمة "صاع" لغوياً كتعني لمكيال اللي كنعبروا بيه.

• قبيلة السجع
• قبيلة بني أوكيـــل
• قبيلة الكرارمة
• قبيلة الأرباع
• قبيلة بني بوزكو
• قبيلة آث اشبــــــل
• قبيلة بنـي كـــولال
• قبيلة أولاد لمهــــدي
• قبيلة أولاد الميــــــدي
• قبيلة أولاد سليمان
• قبيلة آيت معالا
• قبيلة أولاد عمر
• قبيلة بني بويحيي
• قبيلة بني يزناسن

• نسبة لأمية (نّاس لّي ما كايعرفوش يقراو ولا يكتبو): 34,5%
• نسبة سّكان لّي قاريين فوق الليسي (ليسي و جامعة): 14,3%

• نسبة نّاس نّشيطين (لّي يقدرو يخدمو): 42,8%
• نسبة لبطالة (نّاس لّي ما خدامينش و تايقلبو على خدمة): 22,6%
• نسبة نّاس اللي خدامين ف دّولة (ولا لبيطاليين اللي سبق ليهوم خدمو): 13,4%
• نسبة نّاس اللي خدامين ف لپريڤي (ولا لبيطاليين اللي سبق ليهوم خدمو):48,1%

لمساحة لإجمالية ديال إقليم تاوريرت هي 8.752 كلم مربع. لمدن واخدة مساحة صغيرة، فالمقابل لجماعات لقروية ممتدة على مساحات كبيرة اللي كتوصل فبعض منها لكتر من 1/6 ديال لمساحة تاع لإقليم. وهاد الجدول كيبين الترتيب ديال الجماعات على حساب عدد السكان:

• كيتحكم فـ لجو ديال منطقة تاوريرت بزاف ديال لمعطيات الطبيعية، منها لموقع ديالها بين الجبال اللي كاينين فـالشمال ولغرب، واللي دايرة بحال شي حاجز كيمنع لكتل ديال لهوا الرطبة باش تدخل للداخل.
• زيد عليها أنها محلولة على الصحراء من جيهة لجنوب لغربي، هادشي اللي كيخلي الهوا شبه الجاف يدخل للمنطقة وتكون متبوعة فشي مرات بالعجاج تاع الرملة. هادشي كيخلينا نهضرو على ظاهرة التصحر اللي غادة وكتزاد، ومن غير هاد الريح الشبه جافة، كاين حتى ريح "الشركي" اللي كيهب على لمنطقة انطلاقاً من نجود العالية
• . هاد الظروف كاملة خلات مناخ لمنطقة يكون شبه جاف ومصحوب فبعض لأحيان بعواصف رملية، وهاد النوع ديال لمناخ داخل فـنطاق لمناخ لمتوسطي الشبه جاف اللي كيميز كاع أقاليم شرق المغرب. ومن لمميزات ديال هاد المناخ هو تعاقب جوج فصول: فصل حار وجاف كتكون فيه الشتا قليلة بزاف ولا منعدمة، والحرارة كتطلع فيه حتى لـ 42 درجة فشهر غشت، اللي كيتعبر هو السخون كاع فتاوريرت.
• والفصل الثاني هو فصل بارد ورطب، الشتا فيه قليلة وما منتضماش من عام لآخر، ولحرارة فيه كتهبط حتى لـ 4 درجات فشي مرات فـفصل الشتا. وكيوصل معدل التساقطات السنوي فتاوريرت لحوالي 310 ملم.