| Formicidae | |
|---|---|
Forniga
| |
| Denominacions populars | |
forniga / formica, formiga, fornica, furniga
| |
| Clasificación cientifica | |
| Eukaryota | |
| Animalia | |
Subreino:
|
Metazoa |
Filo:
|
Arthropoda |
Subfilo:
|
Hexapoda |
| Insecta | |
Subclase:
|
Pterygota |
Infraclase:
|
Neoptera |
Superorden:
|
Endopterygota |
| Hymenoptera | |
Suborden:
|
Apocrita |
Superfamilia:
|
Vespoidea |
| Formicidae | |
| Subfamilias y cheneros | |
| Subfamilias y chéneros de Formicidae Cheneros: | |
Las fornigas u formicas (nombre cientifico Formicidae) son una familia d'insectos, que se caracterizan sobretot porque forman colonias complexas, a suya distribución abarca toz es continentes y i hai especies en tot lo mundo menos en l'Antartida, Groenlandia, Islandia, y parte d'a Polinesia.
S'estima que i hai entre mil billons y diez mil billons de fornigas vivindo sobre la Tierra y lo suyo dominio ecolochico se puet medir per a suya biomasa: estimacions realizadas en distintos entornos indican que representan per termin meyo lo 15-20% d'a biomasa total de los animals terrestres, que s'eleva a cuasi lo 25% en a zona tropical. D'alcuerdo con estas estimacions, la biomasa de totas las fornigas existents en o mundo sería semellant a la biomasa total de toz es seres humans.
Muitas culturas humanas las utilizan como alimento, medicina y como obchecto de rituals. Manimenos, a suya capacidat d'esclatar recursos provoca que las fornigas dentren en conflicto con os humans, ya que pueden danyar cultivos y invadir edificios, per unatra parte cualques especies son muito valoradas en o suyo papel d'achents de control biolochico.
Tienen 6 garras y antenas, y belunas tienen alas.
En a cultura popular
En a cultura popular a ormino se les utiliza de forma moralista y eixemplarizant representando lo treballo intenso y lo esfuerzo cooperativo per o suyo treballo duro.
Son comuns as suyas aparicions en cuentos pa ninos y en fabulas, estando especialment conoixida la de lo ferfet y la forniga d'Esopo, asinas como en textos relichiosos como la Biblia u l'Alcorán.
En o cine
Las fornigas en o cine han inspirau numerosas cintas d'animación como Antz, A Bug's Life, Minuscule: La vallée des fourmis perdues u The Ant Bully con muito exito d'espectadors y taquilla, tamién cal destacar la popular serie de debuixos animaus Atom Ant (La forniga atomica).
Tamién ye un tema recurrent en cintas de tematica de ciencia ficción y de terror, entre las que cal destacar Them! y The Naked Jungle (con Charlton Heston) totas dos de l'anyo 1954, Phase IV de 1974, Empire of the Ants con Joan Collins y Ants las dos de 1977, It Happened at Lakewood Manor de 1998, Destination: Infestation de 2007, u las cintas basadas en o personache de Marvel dito Ant Man (Ant Man de 2015 y Ant Man and the Wasp de 2018) entre d'atras aparicions en atras cintas de l'Universo Marvel.
Mazadas
- Fornigas en ringlera, salen dispués de tronar.
- Fornigas en ringlera, u pleve u fa sol y sequera / Fornigas en ringlera, u temporal u sequera.
Galería d'imáchens
Vinclos externos
- Se veigan as imáchens de Commons sobre Formicidae.
- Wikispecies tiene un articlo sobre Formicidae.
