Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
| Ficus carica | |
|---|---|
Figuera.
| |
| Denominacions populars | |
figuera, figonera, figonero
| |
| Estau de conservación | |
Seguro (IUCN) | |
| Clasificación cientifica | |
| Eukaryota | |
| Plantae | |
| Magnoliophyta | |
| Magnoliopsida | |
| Rosales | |
| Moraceae | |
Subfamilia:
|
Ficeae |
| Ficus | |
Subchenero:
|
Ficus |
| F. carica | |
| Descripción | |
Ficus carica
L., 1758 | |
A figuera u figonera (d'o latin <ficarua; nombre cientifico Ficus carica (L., 1758)) ye una especie d'árbol fruitero caducifolio d'a familia d'as moracias, en o chenero Ficus, orichinaria d'o subcontinent Indio y introducida en a Europa mediterrania y o norte d'Africa dende l'Antiguedat.
Descripción
A figuera ye un árbol chicorrón, no guaire alto, a sobén con port arbustivo mas que no arborio. Tiene a corona mas ampla que alta, con ramas firmes, gruesas, que se dicotomizan dica formar brancas muit gruesas tamién, anque a madera tiene una microestructura esponchosa que fa que resulte levera y muit tova.
As follas creixen distanciadas as unas d'as atras. Son muit grans (dica 30 cm de lonchitut) y profundament lobuladas, con 3 u 5 lobulos. A nervadura ye muit marcada por a reversa. A crosta ye grisa.
A vena ye muit larga y tortuosa, con un creiximiento que puede gosar superar a o d'as partes aerias d'a planta. Puede creixer invasivament sobre a penya u sobre muros, malmetendo a la larga as estructuras construidas por l'hombre si gosa enradigar-se-ie.
Ye una especie muit adaptadera, sin guaires requerimientos de suelo, que suporta con facilidat a sequera y as altas temperaturas.
Fruita
A fruita d'a figuera ye a figa. A figa ye una infructescencia (por o que no ye un verdader fruito) plena de drupas, derivada evolutivament de as polidrupas caracteristicas d'a familia Moraceae (as moras), pero que s'ha invertiu tot deixando as drupas individuals en l'interior d'una cambra que no s'obre a l'exterior sique por un estoma chiquinín en o polo apical.
Se veiga tamién
Vinclos externos
- Wikispecies tiene un articlo sobre Ficus carica.
- Se veigan as imáchens de Commons sobre Ficus carica.
