Camelus dromedarius

O dromedario (nombre cientifico Camelus dromedarius (Linnaeus, 1758)) ye una especie de mamifero d'a orden d'os Artiodactyla y familia Camelidae que tien una chepa en a suya esquena (en comparanza con as dos que tien en o camello) an almagacena dica 36 kg de graixa, que lo dromedario puede descomposar en enerchía pa satisfer as suyas necesidaz cuan os recursos son radius; a chepa tamién aduya a desipar a calor corporal.

Os masclos adultos miden de 2,2 a 3,6 m d'altaria, mientres que as fembras miden de 1,7 a 1,9 m. Os masclos gosan pesar entre 400 y 690 kg, y las fembras pesan entre 300 y 540 kg.

O dromedario no ha existiu de forma natural en a naturaleza mientres cuasi 2000 anyadas. Probablement fue domesticau per primera vegada en a peninsula Arabica fa uns 4.000 anyos. I hai una important población salvache en Australia, an fue introduciu en 1840 como medio de transporte antes d'estar substituyiu per o transporte motorizau en primerías d'o sieglo XX.

Os productos d'o dromedario, incluyida la suya carne y leit, sustentan a cuantas tribus d'o norte d'Africa; tamién se fa servir comunament pa amontar y como bestia de baste.