Una día u diya (pronunciau /'dia/ u /'di:a/) ye una unidat de tiempo equivalent a un periodo de 24 horas.
Ye o tiempo que tarda o planeta Tierra a chirar 360 graus sobre o suyo eixe.
En o tiempo cheolochico s'ha puesto comprobar estudiando corals fosils que a velocidat de chiro s'ha retardau y que en a era paleozoica os anyos teneban mas días y que en un día y heba menos horas.
En o calendario gregoriano un día ye a setena parti d'una semana y cadagún d'éls tien un nombre. A sola variant de l'aragonés que conserva as denominacions d'os días d'a semana ye o benasqués y os días d'a semana son:
- Lluns < latín LUNAE.
- Marz < latín MARTIS.
- Mierques < latín MĔRCURI[S].
- Chòus < latín IOVIS.
- Viernes (orichinariament venres en benasqués) < VENERIS.
- Sapte < hebreu SHABBAT.
- Dimenche/Dumenche/Demenche < latín DOMINICA.
En aragonés escrito se fan servir estas atras denominacions: luns, martes, miercres, chueves, viernes, sabado, dominche.
Tamién o termín día puet fer referencia ta atros aspectos relacionaus con l'actividat humana en una chornada de treballo o en cualsiquier atra actividat.
Se veiga tamién
- Día festivo.
- Día laboral.
- Día natural.
- Día internacional.
