Las costiellas son uesos plans y alargaus d'o escleto axial comparables a arcos, que s'estienden dende la columna vertebral dica la espineta, a lo que s'unen a traviés de cartilagos costals.
Las costiellas tienen un orichen endoesqueletico ligau a los mioseptos de los primers cordaus. La función orichinal de las costiellas ye protectora.
En lo ser humán bi ha doce de cada costau. Las siet primeras s'articulan con la espineta por meyo d'un cartilago propio y son las costiellas verdaderas. Las costiellas que van dende la ueitena dica la decena s'unen a traviés d'os suyos cartilagos a un cartilago común, que se articula con la espineta (costiellas falsas). La oncena y docena costiella no s'articulan con la espineta y son las costiellas flotants.
