Uznä

D Oschtschwiizer Gmeind isch dr Märtort vom sanggalische Wahlchreis See-Gaschter und lyt am Nordrand vo dr Linthebeni; s Gmeindgebiet chunt uf dr Südsyte an Linthkanal aa. Dr Zürisee isch nur öppe zwei Kilometer wyter im Weschte, zwüsche Uznä und em See lyt d Gmeind Schmerikä. Dr Steinebach, wo vo Bänke uf Uznä chunt, isch es Naturschutzgebiet mit überregionaler Bedeutung.

D Sidlig lyt am Rand vo dr Ebeni, a dr Chrüzig vo de Kantonsstroosse uf Rapperswil, zum Rickepass und über d Linthebeni. Bim Baanhof vo Uznä verzweige sech d Ysebaanstreckine uf Rapperswil, dure Rickedunnel und uf Ziegelbrugg.

Uznä isch ane 741 s erschte Mol erwäänt. 744 isch dr Ort em Chlooschter Sanggale gschänkt worde. Im Joor 856 ischd Chile vom heilige Gallus z Uznä erwäänt.

Um 1200 hend d Grafe vo Toggeburg d Stadt Uznä ggründet. 1469 hend d Schwyzer und d Glarner d Herrschaft Uznä gchauft. 1798 isch d Stadt zum Kanton Linth cho, 1803 zum Kanton Sanggale.

• d Fridhofschile vom Hl. Chrüüz
• d Ruine vo dr Burg Uznebärg
• d Kapälle vom Heilige Josef
• d Wirtschaft zum Hof vo öpe 1730
• dr Tröchnidurm vo dr FabriggRotfarb
• di ehemolig Spinnerei Uznebärg
• di ehemolig Sydewäberei Schubiger

• Website vo dr Gmeind Uznä
• Alois Stadler: Uznach. In: Historisches Lexikon vo dr Schwiiz.