Saas-Fee (frz. Fée) ischt a Munizipalgmeind im Bezirk Vìschp im Kanton Wallis.
Geografi
Saas-Fee lit am Füass vam Doms. Vannr Ggmeindsflechi sint eppä sächs Prozänt landwirtschaftlechi Flechi, zää Prozänt Wald, zwei Prozänt Sidligsflechi und 82 Prozänt süschtigi Flechi a de Bäärgen und uf de Gletscher obe.
Saas-Fee ischt en Oortschaft uf emene Platoo oben a Saas-Grund. Vom Taal nidsi chunt dr Bäärgbach Feeru Vischpa.
Im Weschten ischt oben am Taal im Mischabelmassyv e Chranz va hööche Bäärge: Gämshore, Ulrichshore, Noodlehore, Länzspitz, dom, Täschore, Alphubil, Allalinhore. Undedra isch dr wyt Feegletscher.
Uf Saas-Fee geit sit anne 1951 e Strooss für Auto. Va Vischp underufä chunt s Poschtauto.
Vam Doorff cha me mit Bärgbaanen uf Plattje, Felschinn, Middelallalin und d Längflue ufe. Ufem Allalingraat ischt ds hechschte Träigaschthuus va dr Wäält.
Gschicht
Saas-Fee ischt zum eerschtu Mal in re Urkunde gnennt choo im Jaar 1304 mit em Naame Vee.
Iwoner
Quella: Bundesamt für Statistik 2005
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iwoner | 233 | 217 | 237 | 228 | 245 | 280 | 357 | 317 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iwoner | 439 | 475 | 504 | 739 | 895 | 990 | 1242 | 1454 |
Dr Üsländeraateil ischt 2010 bi dryssg Prozänt glägu.
Religion
81 Prozänt vannu Iwonru sint im Jaar 2000 remisch-katholischi gsii und sibe Prozänt evangelisch-reformierti.
Politik
Dr Ggmeindspresident va Saas-Fee ischt dr Roger Kalbermatten (Stant Oktober 2017).
Spraach und Tialäkt
Bi dr Volchszellig 2000 heint vannu 1454 Iwonru 85,5 Prozänt Titsch als Höiptspraach aagigää, eis Prozänt Franzeesisch, 0,8 Prozänt Talienisch und 12,6 Prozänt anneri Spraache.
Dr heggschtalemannisch Tialäkt va Saas-Fee gcheert zen weschtlichu Tialäktu vam Wallisertiitsch.
Weblink
- www.3906.ch
