Peru

Dr Name Peru het s Land erst vo de spanische Eroberer übercho. Si Härkunft isch nit endgültig klärt: Deilwiis wird si uf ä Indianerhäuptling im Gebiet vom Isthmus vo Darién, wo dr gliich Name gha het, zruggfüehrt, wo d Spanier vo-n-em zum erste Mol vom enä sagehafte Goldland im Süde ghört hai. Ä anderi Theorii erklärt der Name as Umformig us em Wort pelu, wo in der Sproch vo de Chibcha, wo z Kolumbie läbe, „Wasser“ bedütet.

Peru isch am 28. Juli 1821 vo Spaniä unabhängig wordä.

D Republik Peru isch e Land in Südamerika, bekannt fir sini räichi kulturelli und geografischi Vielfalt. S Land wird vo de imposante Ande-Bärgchätt dominiert, wo si Höchi der Ursprung vu Flüsse sind, diä is Pazifik abflüsse oder dure dr Amazonas-Dschungel i de Atlantik fliesse. In däne Gegend sind wichtigi alt Zivilisatione ufgstande, mit ere beträchtliche archäologische Erbschaft, vor allam s Volk vo de Inka.

Dure d'spanischi Eroberig isch e chliini Grupp vo spanische Soldate i die Gebiet cho, motiviert vo Abenteuerlust und d Gschichte vo nem Imperial mit grosse Räichtümer. Die Begegnig het zue dr Eroberig vom Inka-Imperium und de spätere Formig vom Vizekönigreich Peru gfüert, wo es wichtigs administrativs und wirtschaftlichs Zentrum vom spanische Imperium in Amerika gsi isch.

Das heutig Peru isch nach dr Unabhängigkeit vo Spanien entstande und isch as Republik organisiert. S Gebiet umfasst e Fläche vo 1.285.216 km². S grenzt im Norde a Ecuador und Kolumbien, im Oste a Brasilien und Bolivie, im Süde a Chile und im Weste a dr Pazifik. D Bevölkerung vo Peru übersteigt 24 Millione, und Spanisch, Quechua, Aimara und angere indigene Sprache wärde gredt.

Di wichtigscht Städte si Lima, wo d'Houptstadt isch, Arequipa, Trujillo, Chiclayo, Huancayo, Piura, Cusco und Chimbote. S Land isch i 24 Departemente und es Verfassigsprovins unterteilt. Im Jahr 1988 het e Prozess vo administrativer Regionalisierig agfange, wo 12 Regionalregierunge dure Volksabstimmig gschtellt het. Aber der Prozess isch unterbroche worde dur d Verkündig vom Dezentralisierungsgsetz vo 1997, wo di provisorische Verwaltungsräte gsetzt het und d schrittwiisi Bildung vo neue Region uf Initiative vo de Bürgerschaft vorgeschlage het.