God Save the King („Gott schütz de König!“) bzw. God Save the Queen („Gott schütz dr Königin!“) isch sit em Aafang vom 19. Johrhundert d Nationalhymne vom hütige Vereinigte Königriich. Si isch au eini vo de zwei Nationalhymne vo Neuseeland und d Königshymne vo alle Commonwealth Realms. Drnäbe gälte s Lied Rule, Britannia! und im Arthur C. Benson si Land of Hope and Glory zur Melodie vom Sir Edward Elgar sim Marsch Pomp and Circumstance No.1 as „inoffizielli“ Nationalhymne. D Deil vom Vereinigte Königriich, Ängland, Schottland, Wales und Nordirland, hai no eigeni (inoffizielli) Landeshymne.
D Melodii von God Save the King isch au d Melodii vo de liechtestäinische Nazionalhimne Oben am jungen Rhein und vo de norwägische Königshimne Gud sign vår konge god! Früecher isch so au d Nazionalhimne vo dr Schwiiz Rufst du mein Vaterland und d Kaiserhimne vom Tüütsche Riich Heil dir im Siegerkranz gsii, dezue ane d Königshimne i Bayre, Sachsen und Hannover.
Weblingg
God Save the King im dütschsprochige Wikisource
