Adolf Seger

6 min read
In 14 languages
2 images

De Adolf Seger (* 2. Jänner 1945 z Friburg; † 5. Juli 2026 au dert) isch e ehmolige ditsche Ringer gsi. Er isch zwaifache Medalliegwinner bi de Olympische Spiler 1972 un 1976 gsi un zwaifache Weltmaischter im Welter- bzw. Mittelgwicht gsi. Bi de Ringer-Veterane (Masters) het er zehmol de Weltmaischter-Titel gholt.

Lebe

De Adolf Seger isch us ere ringkampfbegaischterte Familie kumme: Sin Vatter un sini fimf Brieder sin alli as Ringer aktiv gsi. Sin erschte Ringkampfunterricht het de fimfjehrig Adolf vu sim Vatter griegt. Sin sportlig Vorbild isch sin eltre Brueder Edmund gsi, wu in de ditsche Ringer-Nationalmannschaft bi de Olympische Summerspiler 1960 z Rom kämpft ghet het.

De Adolf Seger isch ghirote un dreifache Familievatter gsi. Iber 40 Johr lang het er as Briefdreger bi de Ditsche Boscht AG z Zähringe gschafft; sit em Jänner 2009 isch er im Ruehstand gsi. Er het sich in sinre Freizit fir d Kommunalpolitik, wohltetigi Zweck un d Sportferderung iigsetzt. De Seger isch allno sportlig fit un aktiv gsi: bim Dischtennis, im Radsport un bim Kraftdrening. Er isch allno uusdreniert wie friejer gsi un het allno si Wettkampfgwicht ghalte. De Adolf Seger isch in sim Verein AV Germania Sant Jerge allno as Dreningspartner un as Drener z Verfiegung gstande.

Sportligi Karriere

De Adolf Seger het im Freistil aagfange (Welter- un Mittelgwicht), un er isch vilfache Ditsche, Europa- un Weltmaischter gsi. Zue sine greschte Erfolg zelle au d Medalliegwinn bi de Olympische Simmerspiler 1972 z Minche un de Olympische Summerspiler 1976 z Montreal. De Seger giltet as ain vu de beschte ditsche Ringer, wu s je gee het. Dur sin Bewegungstalent het er vor allem d Kampftechnike am Bode witterentwickelt. Mit em no ihm gnennte Seger-Griff het er e Huffe Agslesiig ghet.

De Adolf Seger het scho as junge Ringer großi Gsundhaitsproblem ghet. Scho Mitti 1960er Johr het er nit nur am ringertypischen „Bluemekohlohr“ glitte, sundern vor allem au an Agsle-, Rugge- un Gniiverletzunge. Dertemol isch de Seger di ganz Zitt in Behandlung Universitätsklinikum Freiburg gsi. D Verletzunge hen sii international Sportkarriere um viil Johr verzegert. Aineweg het de Seger flissig dreniert un het dodefir sogar sini Beruefsuusbildung zruckgstellt. D Kraft un d Athletik vum Seger hen weltwitt zum Beschte im Ringkampfsport ghert. Anne 1975 isch de Seger ins Mittelgwicht gwägslet, wel er vor Wettkämpf vilmol Problem ghet het, uf s erforderlig Gwicht z kumme.

Au wenn er uf de Ringermatte zimli ehrgizig gsi isch, het sich de Adolf Seger immer fir e sufere, faire Sport iigsetzt. Nit umesunscht isch er mit de Fair-Play-Trophäe uuszaichnet worre. Sim Friburger Ringerverain isch er immer drei gsi. Er het e Huffe lukrativi Aagebott griegt fir anderi Verain z ringe, het si aber nit aagnumme.

In de 1990er un 2000er Johr isch de Adolf Seger zehfache Freistil-Weltmaischter bi de Ringer-Veterane (Masters) worre; des het weltwitt bisher no niemer gschafft. Sin Briisgeld vu 15000 Dollar, wun er dodefir griegt het, het de Kinderkrebshilf gspendet.

Internationali Erfolg

Jahr	Blatz	Wettbewerb	Gwichtsklasse
1969	3.	EM z Sofia	Welter	mit Siig iber de Ludovic Ambrus, Rumänie, de Pauli Tuuri, Finnland, de Janusz Pajak, Polen, eme Unentschide gege de Miklos Urbanovics, Ungarn un ere Niderlag gege de Juri Gusow, UdSSR
1969	5.	WM z Mar del Plata	Welter	mit Siig iber de Pasqual Palombo, Argentinie un Niderlage gege de Zarbeg Beriaschwili, UdSSR un de Matti Poikkala, Finnland
1970	6.	EM z Berlin	Welter	mit Siig iber de Robert Blaser, Schwiz un de Josef Völc, CSSR, eme Unentschide gege de Giuseppe Spagnoli, Italien un Niderlage gege de Zarbeg Beriaschwili un de Jan Karlsson, Schwede
1970	2.	Turnier z Genua	Welter	hinter em Jan Karlsson un vor em Robert Blaser
1970	5.	WM z Edmonton	Welter	mit Siig iber de Giuseppe Spagnoli, David Briers, Südafrika un de Robert Blaser, eme Unentschide gege de Angel Petrow, Bulgarie un ere Niderlag gege de Danzandarjaa Sereeter, Mongolei
1971	7.	WM z Sofia	Welter	mit Siig iber de Janusz Pajak, Polen, de Pete Symons, USA un de Francisco Lebeque, Kuba un Niderlage gege de Ludovic Ambrus un de Mohammad Farhangdoust, Iran
1972	1.	EM z Kattowitz	Welter	mit Siig iber de Mehmet Uzun, Türkei, de Stefanos Ioannidis, Griecheland, de Ludovic, Ambrus, de Michael Busse, Pole un de Roman Marsagaschwili, UdSSR trotz ere Niderlag gege de Jancho Pawlow, Bulgarie
1972	Bronze	OS z Minche	Welter	mit Siig iber de Francisco Lebeque, de Alfred Wurr, Kanada, de Juri Gusow, de Miklos Urbanovics un de Mansour Barzegar, Iran un Niderlage gege de Jan Karlsson un de Wayne Wells, USA
1973	1.	EM z Lausanne	Welter	mit Siig iber de Kazimierz Kos, Pole, de Peter Spycher, Schwiz, de Jozsef Rusznyak, Ungarn, de Frank Birke, DDR, de Christo Stantschew, Bulgarie un de Viktor Silbermann, UdSSR
1973	5.	WM z Teheran	Welter	mit Siig iber de Mitsuo Degawa, Japan un de Panwar, Indie, eme Unentschide gege de Mansour Barzegar un Niderlage gege de Jancho Pawlow un de Ruslan Nuralijewitsch Aschuralijew, UdSSR
1974	2.	EM z Madrid	Welter	mit Siig iber de Nikoaes Palaskas, Griecheland, de Dan Karabin, CSSR, de Jancho Pawlow un de Servet Aydemir, Türkei un Niderlage gege de Jan Karlsson un de Ruslan Aschuralijew
1974	4.	WM z Istanbul	Welter	mit Siig iber de Stanley Dziedzic, USA, de Danzandarjaa Sereeter un de Kazimierz Kos un Niderlage gege de Viktor Silbermann, Israel un de Jancho Pawlow
1975	6.	EM z Ludwigshafe	Welter	mit Siig iber de Jan Lachoda, Pole un de Servet Aydemir un Niderlage gege de Daniel Karabin un de Pawel Pinigin, UdSSR
1975	1.	WM z Minsk	Mittel	mit Siig iber de Apostolos Mersiakaris, Griecheland, de Wassili Schultschin, UdSSR, de Ismail Abilow, Bulgarie, de Mehmet Uzun, de Vasile Iorga, Rumänie un de István Kovács, Ungarn
1976	1.	EM z Leningrad	Mittel	mit Siig iber de Wiktor Nowoschilow, UdSSR, de Jan Gorski, Pole, de Istvan Kovacs un de Ismail Abilow
1976	Bronze	OS z Montreal	Mittel	mit Siig iber de Anthony Shacklady, Großbritannie, de Andre Bouchoule, Frankrich un de Henryk Mazur, Pole un Niderlage gege de Wiktor Nowoschilow un de John Peterson, USA
1977	5.	EM z Bursa	Mittel	mit Siig iber de Georgios Pahtas, Griecheland un de Daima Pereira, Spanie un Niderlage gege de Hassan Zangiew, UdSSR un de Mehmet Uzun
1977	1.	WM z Lausanne	Mittel	mit Siig iber de Jan Gorski, Pole, de Zeveg Duvchin, Mongolei, de Christopher Campbell, USA un de Istvan Kovacs un trotz ere Niderlag gege de Magomed Arakilow, UdSSR
1978	2.	EM z Sofia	Mittel	mit Siig iber de Georgios Polychronidis, Griecheland, de Pawel Szabo, CSSR, de Istvan Kovacs un de Tiberiu Sereghely, Rumänie un ere Niderlag gege de Schukri Lutwiew-Achmedow, Bulgarie
1978	2.	WM z Mexiko-Stadt]	Mittel	mit Siig iber de Richard Deschatelets, Kanada, de Akira Ohta, Japan, de Zeveg Duvchin, de Istvan Kovacs un de John Peterson un Niderlage gege de Schukri Lutwiew-Achmedow un de Magomed Arakilow
1979	3.	EM z Bukarest	Mittel	mit Siig iber de Günter Busarello, Eschtriich, de Efraim Kamberow, Bulgarie un de Resit Karabacak, Türkei un Niderlage gege de Alexander Alexejew, UdSSR un de Istvan Kovacs
1979	5.	WM z San Diego	Mittel	mit eme Siig iber de Alan Thompson, Australie un Niderlage gege de John Peterson un de Magomed Arakilow
1980	12.	EM z Prievidza	Mittel	no Niderlage gege de Vasile Tiganas, Rumänie un de Günter Busarello

Ditschi Maischterschafte

Jahr	Platz	Gwichtsklasse	Ergebnis
1967	3.	Welter	hinter em Otto Alt, Schifferstadt un em Peter Nettekoven, Dortmund
1969	2.	Welter	hinter em Reinhard Zeiher, Brötzingen un vor em Günter Niedermaier, Hallbergmoos
1970	2.	Welter	hinter em Reinhard Zeiher un vor em Günter Niedermaier
1971	1.	Welter	vor em Wolfgang Engel, Baienfurt un em Fritz Sauer, Ladenburg
1972	1.	Welter	vor em Reinhard Zeiher un em Konrad Schluttenhofer, Freising
1973	1.	Welter	vor em Reinhard Zeiher un em Peter Schöffler, Friburg
1974	1.	Mittel	vor em Berhard Dunke, Efferen un em Willibald Liebgott, Friburg
1975	1.	Mittel	vor em Hubert Krämer, Haslach un em Martin Dassler, Untertirkheim
1976	1.	Mittel	vor em Willibald Liebgott un em Hubert Krämer
1977	1.	Mittel	vor em Heribert Metz, Waldaschaff un em Detlef Englich, Duisdorf
1978	1.	Mittel	vor em Detlef Englich un em Karl-Heinz Fettel, Friburg
1979	1.	Mittel	vor em Willibald Liebgott un em Alexander Senn, Friburg
1980	1.	Mittel	vor em Hans-Joachim Klötzing, Witten un em Heribert Metz

Aamerkige: alli Wettbewerb im freie Stil, OS = Olympischi Spiler, WM = Weltmaischterschaft, EM = Europamaischterschaft, Weltergwicht, bis 74 kg, Mittelgwicht, bis 82 kg Liibgwicht

Zitat iber de Adolf Seger

Hinfallen können viele, aufstehen nur wenige. (Adolf Seger)

Der kräftigste Postbote Deutschlands. (Die Sport-Reportage)

Ein Freiburger Urgestein. (Badische Zeitung)

Ein bärenstarker Briefträger (Sport 3)

Der Houdini des Ringens. (Uubekannt)

Quelle

Fachzitschrifte Athletik us de Johr 1965 bis 1975 un Der Ringer us de Johr 1976 bis 1980
Documentation of International Wrestling Championships der FILA, 1976
Hundert Jahre Ringen in Deutschland, Verlag Der Ringer, Niedernberg, 1991, Seiten 200, 228 u. 229
Munzinger Sportarchiv

Fueßnote

Dä Artikel basiert uff ere fräie Übersetzig vu dere Version vum Artikel „Adolf_Seger“ vu de dütsche Wikipedia. E Liste vu de Autore un Versione isch do z finde.