Roshya

A̱byin Roshya (Roshya: Россия, Rossiya /rɐˈsʲijə/; Shong: Russia), ku Badundung Roshya hu (Roshiya: Российская Федерация, Rossiyskaya Federatsiya /rɐˈsʲijskəjə fʲɪdʲɪˈratsɨjə/), yet a̱byin kya ka̱ ngaat kyiak neet di̱ fam a̱byin A̱tyin Yurop nat A̱za A̱si̱ya. A̱byin Roshya kya yet a̱gba̱ndang swak wu mi̱ swanta hu ka̱ kup kyai a̱byin ka̱ swak kilomita a̱ma̱ntaa̱naai milyon 17 (met a̱ma̱ntaa̱naai 6.6 x 10⁶) a̱ni, ka̱ si̱ keang si̱ ku swak kap a̱kpa a̱nyiung mami nkap a̱yaakpa a̱ni̱nai nang á̱niet swat mi̱ swanta hu. A̱byin ka ngaat ka̱ byia̱k a̱ma̱nyii nfam njen swak ma̱ng a̱nyiung, ka̱ si̱ lan byia̱ a̱gi̱gak ma̱ng bibyin ghyáng mi̱ swanta hu, ma̱ng bibyin sa̱t swak ma̱ng a̱taa. Ka̱ shyia̱ ma̱ng shi á̱niet milyon 146.2; a̱wot ka̱ si̱ yet a̱byin ka ka̱ swak mi̱ shi á̱niet mami Yurop, ma̱ng a̱kubunyiung mi̱ shi á̱niet mi̱ swanta hu. A̱keangtung nka ka, Ma̱si̱kwo, kikya yet a̱gba̱ndang a̱keang wu a̱ swak mi̱ shi mami Yurop, ma̱nang Sen Pitasi̱bwok si̱ yet a̱gba̱ndang a̱keang a̱ swak mi̱ shi a̱feang wu ma̱ng a̱ka̱wa̱tyia̱ taada nka ka. A̱roshya ba, bibya yet nwap A̱si̱lap ma̱ng sot á̱niet ji̱ swak mi̱ shi mami Yurop a̱ni; ba̱ lyiat da̱ a̱lyem Roshya kya, a̱lyem Si̱lap nang á̱ lyiat swak a̱ni ma̱ng a̱ka̱k a̱lyem á̱ lyiat swak ma̱ a̱byin Yurop a̱ni.