Organizuro dil Unionita Nacioni pri Eduko, Cienco e Kulturo (OUNECK, ma anke: UNECKO – Unionita Nacioni Eduko-, Cienco- e Kultur-Organizuro) (Angle: United Nations Educational, Scientific and Cultural Organization, France: Organisation des Nations Unies pour l’éducation, la science et la culture, maxime bone konocata kom Unesco od UNESCO, lua abreviuro en l'Angla, pronuncata: unesko) esas organismo del Unionita Nacioni fondita ye la 16ma di novembro 1945 havante kom skopo kontributar a la paco per l'expanso dil eduko, di la cienco, la kulturo e la komuniki. Lua kreado efikeskis ye la 4ma di novembro 1946 per la ratifiko da 20 landi. En 1957 inauguresis lua precipua sideyo, en la 7ma quartero (arrondissement) di Paris. En 2014 ol havis 195 stati membri ed 8 asociita membri. Lua nuna chefino esas Audrey Azoulay, de Francia.
Mala guvernado ed ideologiala konflikti duktis ad ekiro di Usa, Unionita Rejio e Singapur.
