En enxeñaría e informática, a depuración (debugging en inglés) é o proceso de atopar a causa raíz, as solucións alternativas e as posibles correccións de erros.
Para o software, as tácticas de depuración poden incluír a depuración interactiva, a análise do fluxo de control, a análise de ficheiros de rexistro, a monitorización a nivel de aplicación ou sistema, os volcados de memoria e a creación de perfís. Moitas linguaxes de programación e ferramentas de desenvolvemento de software tamén ofrecen programas para axudar na depuración, coñecidos como depuradores.
Etimoloxía
O termo bug, no sentido de defecto, remóntase polo menos a 1878, cando Thomas Edison describiu «defectos e dificultades menores» nos seus inventos como bugs.
Unha historia popular da década de 1940 é a da almirante Grace Hopper. Mentres traballaba nun ordenador Mark II na Universidade Harvard, os seus socios descubriron unha avelaíña atascada nun relé que impedía o funcionamento e escribiu nun diario de rexistro «Primeiro caso real de descubrimento dun bug». Aínda que probablemente sexa unha broma, que mestura os dous significados de bug (biolóxico e defecto), a historia indica que o termo se usaba no campo da informática naquela época.
Véxase tamén
Outros artigos
Ligazóns externas
- Parr, Terence (2004-09-18). "The Essentials of Debugging" (en inglés). Consultado o 2026-04-16.
Este artigo sobre informática é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.
