Alberta/fe

Alberta/fe uun öler spriikwiisen

Sölring Öömrang Fering Halunder Halifreesk Mooring Wiringhiirder Karhiirder Gooshiirder

Tekst üüb Fering

Alberta as ian faan dön tjiin prowinsen faan Kanada. At prowins leit uun a waast faan't lun. Uun a nuurd leit dön Nuurdwaast-Teritoorien, uun a uast Saskatchewan, uun a süüd dön Ferianigt Stooten an uun a waast British Columbia. Det hee 4.442.879 lidj (2021). At hoodsteed faan't prowins as Edmonton.

At prowins as efter Prins Albert von Sachsen-Coburg und Gotha, diar Köningin Victoria faan det Ferianigt Köningrik san maan wiar, neemd.

Geografii

De Athabasca-Sia

4 images

Alberta as det fjuardgratst prowins uun Kanada. At prowins as bal tausis grater üüs Tjiisklun. Det leit twesken 60° an 49° faan a nuurd tu a süüd an twesken 110° an 110° faan a uast tu a waast.

Lunskap

Mount Columbia

Athabasca-Sia

Letj-Slaawensia

Alberta as ian faan tau prowinsen uun Kanada, wat banenlunen san. Uun a nuurd as walt an uun a süüduast gäärslun (üüb Ingelsk an Fraansöösk prairies). Dön Rocky Mountains stun uun a süüdwaast faan't prowins, huar de huuchst ponkt uun't prowins, Mount Columbia (3747 m), as.

At prowins hee föl struumer an sian. Dön gratst faan a struumer san de Athabasca, de Peace, de Slave an de Hay. Dön trii gratst sian san a Athabasca-Sia (7898 km²; bluat at waastdial faan a sia as uun Alberta), Lake Claire (1436 km²), uun a waast faan a Athabasca-Sia uun de Wood-Buffalo-Natschunaalpark an de Letj Slaawensia (Lesser Slave Lake) (1168 km²) uun a nuurdwaast faan Edmonton.

Kliima

	Jan	Feb	Mar	Apr	Mei	Jün	Jül	Aug	Sep	Okt	Nof	Det
Max. Temp. (°C)	−7,3	−3,6	2,1	11,3	17,6	21,0	22,8	22,1	16,8	10,9	0	−5,4	Ø	9
Min. Temp. (°C)	−16	−13,1	−7,3	−0,3	5,7	10,0	12,1	11,1	5,8	0,3	−8,2	−13,9	Ø	−1,2
Tempratuur (°C)	−11,7	−8,4	−2,6	5,5	11,7	15,5	17,5	16,6	11,3	5,6	−4,1	−9,6	Ø	3,9

Rin of snä (mm)	22,5	14,6	16,6	26,0	49,0	87,1	91,7	69,0	43,7	17,9	17,9	20,9	Σ	476,9

Stünjen sanskiin (h/d)	3,1	4,3	5,6	7,9	9,0	9,3	9,9	9,0	6,1	5,4	3,4	2,5	Ø	6,3

Rindaar (d)	11,9	8,6	8,4	7,8	11,3	14,3	14,4	12,4	9,8	7	9,1	10,9	Σ	125,9

Temperatüür, Rin of Snä uun Edmonton, Alberta

Efter: Canadian Climate Normals 1971–2000: Edmonton City Centre Airport

Steeden

Dön tjiin gratst steeden uun't prowins san:

Calgary

Edmonton

Red Deer

Strathcona County

Lethbridge

Airdrie

Wood Buffalo

St. Albert

Grande Prairie

Medicine Hat

# Steed Lidj (2021) Koord 1 Calgary 1.372.178 2 Edmonton 1.057.181 3 Red Deer 104.392 4 Strathcona County 103.186 5 Lethbridge 101.799 6 Airdrie 77.027 7 Wood Buffalo 73.851 8 St. Albert 69.789 9 Grande Prairie 67.627 10 Medicine Hat 65.203