Tim O'Brien

William Timothy "Tim" O'Brien (Austin, Minnesota, 1946ko urriaren 1) idazle estatubatuarra da.

Vietnamgo Gerrei buruzko eleberriak idazten ditu bereziki, O'Brienek gerra horretan parte hartu zuelako. Eskarmentuak erabat hunkitu zuen.

Minnesota estatuko 9.000 biztanleko herri txiki batean jaio zen, haren liburuetako protagonistak bezala. Zientzia politika ikasi zuen unibertsitatean. Bukatu bezain pronto, 1968an, armadak deitu zion. 1969tik 1970 arte Vietnamgo Gerran aritu zen, infanteriako Americal Dibisioan, zeinek oso ospe txarra jaso zuen Mỹ Laiko sarraskian parte hartzeagatik. O'Brien sarraski hori gertatu baino geroxeago iritsi zen.

AEBetara bueltatzerakoan, Harvard unibertsitatean ikasi zuen. Ondoren, Washington Post egunkarian egin du lan. 1973an estreinako liburua idatzi zuen: If I Die in a Combat Zone, Box Me Up and Send Me Home, gerrako eskarmentuaren gainekoa.

Haren idazkeraren ezaugarri bat fikzioa eta errealitatearen arteko muga lausoa da. The Things They Carried eleberrian aipatzen duen erara, gerraren inguruan ez da gertatutakoa idazten, gertatu beharrekoa baizik.