Geografia
Bihar ekialdean Mendebaldeko Bengala, mendebaldean Uttar Pradesh, iparraldean Nepal eta hegoaldean Jharkhand ditu mugakideak. Biharko ordokia Ganges ibaiak bitan zatituta dago, estatua mendebaldetik ekialdera zeharkatzen duena. Biharrek 6.764,14 km² baso-azalera du, hau da bere azalera osoaren %7,1a.
Gangesek ez ezik, Gandak eta Koshi bere iparraldeko ibaiadarrek ere zeharkatua da, Himalaia nepaldarrean dagoen Katmandu haranean jaioak.
Historia
Bihar "Magadha" izena zuen antzinean. Magadha bi ohituraren iturria izan zen: jainismoa eta budismoa. Indiar inperiorik handiena, Maurya Inperioa, Magadhan ere sortua izan zen k. a. 325ean, hiriburua Patliputra (egungo Patna) izanik. Batzuen ustez, mauryar enperadorea zen Ashoka, Patliputran jaioa, inoizko Indiako enperadorerik boteretsuena izan zen.
Barrutiak
Bihar 9 dibisiotan eta 38 barrutitan banatuta dago administratiboki.
Dibisioak honako hauek ziren:
- Patna
- Tirhut
- Saran
- Darbhanga
- Kosi
- Purnia
- Bhagalpur
- Munger
- Magadh
Barrutiak, berriz, hauek:
| Dibisioa | Hriburua | Barrutia |
| Bhagalpur | Bhagalpur | Banka, Bhagalpur |
| Darbhanga | Darbhanga | Begusarai, Darbhanga, Madhubani, Samastipur |
| Kosi | Saharsa | Madhepura, Saharsa, Supaul |
| Magadh | Gaya | Arwal, Aurangabad, Gaya, Jehanabad, Nawada |
| Munger | Munger | Jamui, Khagaria, Munger, Lakhisarai, Sheikhpura |
| Patna | Patna | Bhojpur, Buxar, Kaimur, Patna, Rohtas, Nalanda |
| Purnia | Purnea | Araria, Katihar, Kishanganj, Purnia |
| Saran | Chapra | Gopalganj, Saran, Siwan |
| Tirhut | Muzaffarpur | Ekialdeko Champaran, Mendebaldeko Champaran, Muzaffarpur, Sheohar, Sitamarhi, Vaishali |
Demografia
Hona hemen irakurtzen eta idazten dakitenen datuak:
| Urtea | Guztira | Gizonak | Emakumeak |
|---|---|---|---|
| 1951 | 13,49 | 22,68 | 4,22 |
| 1961 | 21,95 | 35,85 | 8,11 |
| 1971 | 23,17 | 35,86 | 9,86 |
| 1981 | 32,32 | 47,11 | 16,61 |
| 1991 | 37,49 | 51,37 | 21,99 |
| 2001 | 47,53 | 60,32 | 33,57 |
Hindi eta Urdu hizkuntza ofizialak badira ere, gehienek Bihari hizkuntzetako bat menperatzen dute: Bhojpurera, Magadhi, Maithili edo Angika. Hona hemen estatuko hiztunen datuak:
| Biharko hizkuntzak | ||
|---|---|---|
| Hizkuntza | Familia-hizkuntza | Hiztunak (%) |
| Hindi | Indo-ariarra | % 73,12 |
| Bhojpurera | Indo-ariarra | % 15 |
| Magadhera | Indo-ariarra | % 14 |
| Maithili | Indo-ariarra | % 14,27 |
| Bajjika | Indo-ariarra | |
| Urdu | Indo-ariarra | % 11,41 |
| Bengalera | Indo-ariarra | % 0,53 |
| Santalera | Austroasiarra | % 0,47 |
Galeria
