Abd al-Karim Kasim aŭ Abd al-Karim Qasim (arabe عبد الكريم قاسم transliterumita `Abd al-Karīm Qāsim) (21a de novembro 1914 – 9a de februaro 1963), estis naciisma brigad-generalo de Iraka Armeo kiu enpoviĝis per revolucio de la 14a de julio 1958, dum kiu la monarĥio de Irako estis nuligita, kaj kun ĝi ankaŭ la Jordan-Iraka Araba Federacio. Li regadis la landon kiel ĉefministro ĝis sia elposteniĝo kaj morto dum la Ramadana Revolucio de 1963.
Dum sia regado, Kasim estis populare konata kiel al-za‘īm (الزعيم) aŭ, "La estro".
